Ds Nünitram Songtext
von Mani Matter

Gester Znacht hets Nüünitram statt hei is Depot zgah
Plötzlich, niemer weiss warum, sis Schinegleis verlah
Isch zum Himmel ufe gfloge und dert nadina
I der Nacht verschwunde ohne Spure zhinderlah

Siebe Hünd hei kläglich gjoulet, grad wo das isch gscheh
Und e chalte Windstoss isch dürd Monbijoualee
Und s het e Betrunkne wos als einzige het gseh
Dür die lääre Strasse brüelet oh herrjemine


Das het em ne Polizischt wo dert zur Stell isch gsi
Hüenerhut igjagd das er es Ei het gleit derbi
Und e Frou het dänkt wie nützlich doch die Tschuger sii
Hets Ei gno und s präglet bis es Stiereoug isch gsi

Doch dr Stier isch us der Pfanne drus brönnt und dervo
D′Frou het afa brüele lut und Zettermordio
Bis dr Stier sich in es Tram verwandlet het und so
Uf de Gleis isch witer gfahre gäge zTramdepot

Druf ischs wider stiller worde und denn schliesslich Rueh
Ds Nüünitram isch hinde ume Rank ufs Depot zue
Eine het no grüeft i pfuuse blased mir id Schueh
Und dir heit jitz sicher alli vo mim Gschichtli gnue