Unsere Baum Songtext
von Bläck Fööss

Jeden Dach, jede Naach ohne Warnung
Jede Stund′ irjendwo op d'r Welt
Stirv e Stöckche Natur sang- und klanglos
Nur für Maach, für Maach un Jeld
He et Wasser, do Bäum un uns Diere
Un die Luff, die zom Levve jehööt
Für d′r Fortschritt muß Levve krepiere
Bis kei Hätz, kei Hätz mih schleit

Wenn unse Baum noch Kraff hät un blöht
Wenn hä Ies un Fross üvversteit
Es noch Zick, dann drieht sich uns Ääd
Wie se dat Johrmillione schon mät
Doch wenn der Baum em Fröhjohr nit blöht
D'r nächste Winter nit üvversteit
Hammer all uns Chance verdon
Un mer weeden et nit üvverston
Morje es et ze spät


En d'r Bibel do steit et jeschrevve:
"Mat die Ääd üch untertan"
Doch mir han dat wohl all nit bejreffe
En unserer Eitelkeit, em Jrößenwahn
Wat en Iewichkeit brot, öm zu weede
Dat lösch d′r Minsch en enem Augenbleck us
Muß d′r Dud uns eets Enhalt jebeede
Wann simmer endlich, endlich zo Huss

Wenn unse Baum noch Kraff hät un blöht
Wenn hä Ies un Fross üvversteit
Es noch Zick, dann drieht sich uns Ääd
Wie se dat Johrmillione schon mät
Doch wenn der Baum em Fröhjohr nit blöht
D'r nächste Winter nit üvversteit
Hammer all uns Chance verdon
Un mer weeden et nit üvverston

Denn wenn der Baum em Fröhjohr nit blöht
D′r nächste Winter nit üvversteit
Hammer all uns Chance verdon
Un mer weeden et nit üvverston
Morje es et ze spät