Buuredanz Songtext
von Bläck Fööss

Spellmannszöch höt mer üvverall
Un de Trumme met hadem Knall,
Och de Ferkel die quieken em Stall,
Wenn en Berkesdörp d′r Buur
Op d'r Huhzick danz,
Jo wenn en Berkersdörp d′r Buur
Op d'r Huhzick danz.

Schötzebröder kummen an
Us den Dörp vun nevvenan,
Strahlend fein en jrönem Jlanz, wenn...

Feuerwehre kummen flöck
Met de Löschzöch anjeröck,
Hoffentlich bliet alles janz, wenn...

Op d'r Desch mieh als jenoch
Kütt e Ferke en enem Troch, un
Pro Kopp en fette Janz, wenn...

Un dat Esse dot un dot,
Fleisch un Ääpel rötschen jot, denn
Dä Wing mät alles mangs, wenn...


Links eröm un rächs eröm
Üvver Desch un Bänk un Stöhl.
Links eröm un rächs eröm,
Jeder föhlt sich wohl he en dem Jewöhl.

Un dä Knäch lurt wie verröck
Als et Trina sich flöck böck,
Böck noh singem Jungfernkranz, wenn...

Och d′r Paschter höpp wie jeck
Wie vum Düvel anjesteckt met
D′r Mad de Wäng elans, wenn...

Voll vun Ferke, Zaus un Wing
Litt em Stüh et Stommel's Tring,
Doch et hilf im Föschter′s Franz, wenn...

Links eröm un rächs eröm
Üvver Desch un Bänk un Stöhl.
Links eröm un rächs eröm,
Jeder föhlt sich wohl he en dem Jewöhl.

Langsam weed et drusse hell
Un d'r Hahn krieht om Mess janz
Schrill, medden dren litt Föschter′s Franz, wenn...

Och d'r Paschter kann nit mieh,
Doch mer hilf im en d′r Hüh.
Jott sei Dank, hä es noch janz, wenn...


Links eröm un rächs eröm
Üvver Desch un Bänk un Stöhl.
Links eröm un rächs eröm,
Jeder föhlt sich wohl he en dem Jewöhl.

Ralala la la la...