Rollbrett Songtext
von Bläck Fööss

Dä kleine, decke Dieter sät zo singem Pap
Pap ich muß e Rollbrett han
Weil mer met dem Dinge schneller
Vill schneller al op Rollschoh fahre kann
Nix, sät do d′r Pap

Do häs doch schon e Kettcar un en Carrerabahn
De Mam, die jrad am Büjele wor
Meint: dat fange mer janit eets an
Meint: dat fange mer janit eets an

Dä kleine decke Dieter hing am nächste Dach
Bei singem Pap im Hobbykeller drin
Un bovven en d'r Kösch fröch et Claudia de Mam
Mam, häs do ming Rollschoh nit jesin
Nä, sät do de Mam

Sach mer leever wo dat kleine Büjelbrett lit
Do röf d′r Dieter vun d'r Stroß erop
Ich han jet Neues, Claudia fahr met
(Claudia, Claudia)
Ich han jet Neues Claudia fahr met, (hey)


Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

Met uns'em Rollbrett jöcke mer de Stroß eraf
Un jare links un rächs öm de Eck
Un wenn de ens de Kurv nit kriss
Dann lis de met d′r Nas em Dreck

Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

De Mam kom volljepack vum Supermarkt heim
Do schoß dat Rollbrett öm de Eck
Met dem kleine Dieter un dem Claudia
De Mam, die wod janz stief vör Schreck
Paaf, do floch se dann


Met Eier, Äppel, Kappes un dem janze Meß
Ihr hat se wohl nit all, ich han de Nas jetz voll
Da saren ich dem Pap, dann jit et Reß
(Da saren ich dem Pap)
Da saren ich dem Pap, dann jit et Reß

Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon

Met uns′em Rollbrett jöcke mer de Stroß eraf
Un jare links un rächs öm de Eck
Un wenn de ens de Kurv nit kriss
Dann lis de met d'r Nas em Dreck

Komm loss jon, loss mer Rollbrett fahre
Komm loss jon, loss mer Rollbrett fahre
Komm loss jon, loss mer Rollbrett fahre jon, (hey, hey)

Komm loss jon, loss mer Rollbrett fahre, (uh, uh)
Komm loss jon, loss mer Rollbrett fahre, (uh, uh)
Komm loss jon, loss mer Rollbrett fahre jon