Dr Sunne entgäge Songtext
von Peter Reber

Biskaya im Winter uf 45° Nord
U d Quittig vom Neptun sprützt yschalt an Bord.
Dr Frost i de Hudle, de Frrust no im Gsicht,
Doch ändlech geits südwärts, La Coruña in Sicht.

Dr Sunne entgäge, so schnäll mi ds Schiff treit,
Dr Summer erläbe, wes deheime no schneit,
Uf südlechem Kurs, so stahni am Stüür,
Dr Sunne entgäge, däm wermende Füür.

D Mändelböim blüie ud 39° Nord,
Am Ufer wirds Früehlig, u o bi mir hie a Bord
Wirds langsam chly wermer, sogar i mym Härz,
Wüll d Ysblueme blüie hie nümme im März.


Dr Sunne entgäge, so schnäll mi ds Schiff treit,
Dr Summer erläbe, wes deheime no schneit,
Uf südlechem Kurs, so stahni am Stüür,
Dr Sunne entgäge, däm wermende Füür.

Ds letschmal lüpfsch Anker, ir Algarve geits links,
Aber ersch we dr Anke im Ankegfäss schmilzt
U ändlech Gibraltar, im Weste voruus,
Ob dr Aff ufem Felse dr Aff ächt o luust.

Dr Sunne entgäge, so schnäll mi ds Schiff treit,
Dr Summer erläbe, wes deheime no schneit,
Uf südlechem Kurs, so stahni am Stüür,
Dr Sunne entgäge, däm wermende Füür.

Dr Rügge am Wermi, d Füess wider im Sand,
Di südleche Gwässer si fest i myr Hand
U uf myni Lippe das uralte Lied,
Vo eim wo daheime am Winter entflieht.


Dr Sunne entgäge, so schnäll mi ds Schiff treit,
Dr Summer erläbe, wes deheime no schneit,
Uf südlechem Kurs, so stahni am Stüür,
Dr Sunne entgäge, däm wermende Füür