Diss Naach ess alles drin Songtext
von BAP

Steht he,"aushilfsweise"
Klar, paar Mark extra wöhr janz nett

Suwiesu, op Dauer weet mer et leid
Wemmer nur der janzen Daach met ner Jummilimo
He ahm Büdsche steht

Jede Veedelstund ne Bus
Et steich wer enn, et steich wer uss
Su′n Veedelstund ess janz schön lang
Un eez en Woch ens - Mann oh Mann!

Dat mem Sonja ess wohl vorbei
Ich hann et jo kumme sinn
Sick dä Niete met dä Liehrstell, Ahnfang Mai

Ich jläuv, ihr Mutter, die Ahl ess dodrahn schuld
Ihr Doochter künnt jet Bess'res hann, säht se
Naja, wat soll′t?

Glich kütt dä Andy mem Escort
Singem blaue 69er Ford
Un dann maache mer eine drop
Diss Naach hällt uns keiner op


Wat hällste vun ner Opwärm-Rund,
Eimohl öm de Stadt?
Nä echt, dat Feeling op der linke Spur ess der Hammer
Nä, Jung, dat krieje ich nit satt

Selvs et schärfste Teil em Spillsalong
Ess jäje sujet nix
Dä Winker drusse un et Fernleech ahn
Ruudekirche -Bocklemünd - Bayerkrüzz

Dann cool der Ring raff, op Brautschau
Schön langsam, Andy - ich weiß jenau:
Diss Naach, do hann mir zwei en Changs
Jetz kumm mir bloß nit, du hätts Angs!

Diss Naach, do jilt et
Diss Naach simmer widder wer
De Nord-Süd-Fahrt ropp un raff
Un dann de Altstadt krüzz un quer

Friedaach hammer, endlich!
Moondaachmorje 's noch lang hin
Kumm, schmieß der Jang rinn, Andy
Diss Naach ess alles drinn


Luhr, wie die Neonleechter uss- un ahnjonn
Wass met Kino? Stemp, zo spät
Oh nä, für Disco hann ich keine Nerv
Wat dodrinn affjeht, ess mer ech zo blöd

Dat ess fass noch schlemmer wie 'n Studentekneip
Mensch, wohr dä Typ verkrampf
Dä, dä uns letzte Woch bekehre wollt
Dä Spezialist met singem Klassenkampf

Kumm Jung, mer driehe noch en Rund
Duhrt suwiesu nur noch en Stund
Dann weet he et Trottoir huhjeklapp
Die hahle mer durch, maach bloß nit schlapp

Diss Naach do jilt et
Diss Naach simmer widder wer
De Nord-Süd-Fahrt ropp un raff
Un dann de Altstadt krüzz un quer

Friedaach hammer, endlich!
Moondaachmorje ′s noch lang hin
Kumm, schmieß der Jang rinn, Andy
Diss Naach ess alles drinn!

Diss Naach do jilt et
Diss Naach simmer widder wer
De Nord-Süd-Fahrt ropp un raff
Un dann de Altstadt krüzz un quer