Ne schöne Jrooß Songtext
von BAP

Ahn su ′nem Daach, wo minge Kühlschrank jejähnt hätt
Ming Depris ahn mir klääfte, zähflüssig, vollfett
Ming Breeftäsch leer woor un wo absolut nix ahnliejen däät

Wo ich zom zichste Mohl de Naas vun mir vollhatt
Trotzdämm für alles en Erklärung parat hatt
Noh drei, vier Bier schon ahn dämm Punkt wohr, wo mir nix mieh jet mäht

Daach ich: Verdamp noch mohl, die Grübeltour bringk et nit
Die treck dich raff, die bringk dich runder wie sons nur jet
Die fuck dich aff, bess zo dämm Punkt, wo övverhaup nix mieh klapp

Dann hängste nur noch römm un zweifels ahn dir
Un wirfs dir alles, wat du finge kanns vüür
Bess sujar neidisch op die Type, die du sons nur beduhrs

Ne schöne Jrooß ahn all die, die unfehlbar sinn
Vun nix en Ahnung hann, die ävver, immerhin
Su dunn als ob, weil op Fassade, do stonn se halt drop

Dä Durchblickprofi uss dämm Bausparverein
Rundömjebräunt, met Frau un Pudel doheim
Met singer Einbaukösch, die rustikal ess, ävver dennoch moder


Met singem Rallyestreifen Opel GT, ner Stehplatz-Mitte-Jahreskaat vum FC
Dä öm Charles Bronson praatjemaate, akkurate Freizeit-Abziehbild-Held
Dä Naach für Naach bess zom Programmschluss em Sessel hängk

Dä veezehn Daach Benidorm paradisisch fingk
Zwei Johr beim Bund wohr, weil ihm Männerkameradschaft jefällt
Dä freut sich jetz ald op sing Zokunf als Rentner

Op dä Balkon met Liejestohl, denn do pennt er
Bess 'e die Löffel affjitt, die ′e selvs ald lang nit mieh hätt

Ne schöne Jrooß ahn all die, die unfehlbar sinn
Vun nix en Ahnung hann, die ävver, immerhin
Su dunn als ob, weil op Fassade, do stonn se halt drop

Die ärm Säu hänge drin in Situatione
Die nur erklärbar sin durch Hirnamputatione
Die hann se noh un noh im Gleichschritt Richtung Schwachsinn gescheck
Oh, leeven Orwell 84 is noh, t'sinn mittlerweile nur noch vier läppsche Johr
Et läuft so ähnlich aff nur unauffällig un vill raffinierter jemaat

Dä Trick dä funktioniert janz zügig un reibungslos
Etappenweise Entmündigung, klappt famos
Freiwillig injemaat un stecum zom verblöden jebraat

Noch zo empfehle wör dem janze Komplott
Schenkt jedem einzelne doch ne aufblasbar Jott
Uss Vinyl, abwaschbar, exakte Masse, verbraucherjerecht jeföhlsecht


Ne schöne Jrooß ahn all die, die unfehlbar sinn
Vun nix en Ahnung hann, die ävver, immerhin
Su dunn als ob, weil op Fassade, do stonn se halt drop

Ne schöne Jrooß
Ne schöne Jrooß
Ne schöne Jrooß
Ne schöne Jrooß