Es ergibt si nix Songtext
von Wolfgang Ambros

I hob mei Lebtog lang drauf g′woat,
Daß si irgendwos ergibt,
Oba i glaub i hob jetzt eing'seg′n,
Doß ollas bei mir söwa liegt.

Wann ana amoi Glück hod, glaubt a,
Daß a wos geleistet hod;
Erfolgreich sein is Pflicht fia jed'n
Weu olle sitz'n im gleich′n Boot.

Und dann kummt sie, siaß und freindlich,
Schleimig, de Zufried′nheit.
Wos wüst, es geht da doch eh so leiwand -
Vü bessa ois de andan Leit.

Des is so wia a Stamperl Obstla,
Des wärmt und is so angenehm.
Des is so wia a Kirch'npredigt,
So schen fad und so bequem.


Dann hob i wieda Depressionen
Und sitz daham im 10. Hieb,
Und bin nur vü zu feig dazua,
Daß i ma endlich de Kug′l gib.

Dann bin i wieda furchtboa hektisch,
Drah hoibat durch und denk ma "Himmefix,
Es soll si endlich wos ergeb'n!"
Oba es ergibt si nix.

I glaub es gibt nix wos ma tuan kann,
Daß′ an imma leiwand geht.
Wann i irgendwos ned z'ambring,
Denk i ma, i kann′s hoid ned.

Weu des is besser, ois wann ma si
Wia a Bleda einekniat,
Wann ma si total varennt
Und dabei nur Zeit valiert.

Des Leb'n is eh so kurz
Und draht si wia a Ring'lspüh -
I glaub i hob scho amoi g′sogt,
Daß i nix vasama wü.