Triabes koides Wossa Songtext
von Sigi Maron

Triabes koides Wossa
Du rinnst seit tausend Johr
Durch de nosse Wiesen
Und durch des tiafe Moor
Vorbei aun finstre Heisa
Volla Traurigkeit
Strafst de Trauerweiden
Bis jedes Zweigerl schreit

Kummts ihrs miassts net traurig sein
Des Wossa lodt eich olle ein
Triabes koides Wossa

Triabes koides Wossa
Host bessre Zeiten g′segn
Sölig san de Kinder
Aun deim Ufer g'legn
Und de buntn Heisa
Worn volla Fröhlichkeit
Glosklor wor dei Wossa
Kilometerweit


Dei Wossa lodt uns olle ein
Daunn muass kana traurig sein
Triabes koides Wossa

Triabes koides Wossa
Dei Lauf der nimmt ka End
Du rinnst durch den Reaktor
Wo′s Uran vabrennt
Vorbei aun laare Heisa
Volla Traurigkeit
Wo de Menschn g'lebt hobn
Vor da Reaktorzeit

Dei Wossa lodt uns olle ein
Heit muass kana traurig sein
Triabes koides Wossa

Triabes koides Wossa
Du rinnst no tausend Johr
Durch de nossn Wiesen
Und durch des dunkle Moor
Vorbei aun tote Stana
Vorbei aum schwoazn Saund
Du winkst den toten Seeln noch
Mit deiner nossn Haund


Kummts ihr miassts net traurig sein
I lod eich olle zu mir ein
Triabes koides Wossa

Kummts ihr miassts net traurig sein
I lod eich olle zu mir ein
Triabes koides Wossa