Auf an Haufn schwarzn Saund Songtext
von Sigi Maron

Auf an Haufn schwoazn Saund
Steht a z′rissnes Steiragwaund
Dahinter huckt a klana Hund
Kurze Haxn kugelrund
Rundherum Atomraketen
Der klane Hund faungt aun zum betn
Lieber Gott komm sei so gut
Moch de Wölt net ganz kaputt

I siach da Tog is net weit
Wo da letzte von uns noch Frieden schreit

Des Steiragwaund sogt sei net bled
Da liebe Gott der hört di net
Der saummlt grod de Toten ein
Und verziert si mit an Heilignschein
Gestern is a Mensch in mir g'steckt
Und du host sei Haund no obg′schleckt
Heit steh i ois G'waund allan
Denkmal für den Rüstungswahn


I siach da Tog is net weit
Wo da letzte von uns noch Frieden schreit
I siach da Tog is net weit
Wo da letzte von uns noch Frieden schreit

Da Wind der de Woikn weggatreibt
Der frogt si wo de Sunn nur bleibt
Er schaut und siecht a Stickl Mond
Der unter ana Bruckn wohnt
Mond host du de Sunn net g'segn
Na Wind i kaun mi net bewegn
Wo d′Sunn is kaun i dir net sogn
Vielleicht hobns de Bombn a daschlogn

I siach da Tog is net weit
Wo da letzte von uns noch Frieden schreit

Aun an schön Septembertog
Beim ollererstn Glockenschlog
Do wochst a Rosen ausn Saund
Mitten durch des Steiragwaund
Sonnenstrohln foin auf si nieder
Der klane Hund der bet schon wieder
Lieber Gott vergiss dein Zurn
Und faung no amoi aun von vurn


I siach da Tog is net weit
Wo da letzte von uns noch Frieden schreit
I siach da Tog is net weit
Wo da letzte von uns noch Frieden schreit