Andreas Songtext
von Sigi Maron

Andreas varennt si
Er varennt si, varennt si
Und kaunn nimma umdrahn
Andreas varennt si
Er varennt si

Und kaunn nimma umdrahn
Andreas hot a Madl
Hot a liabs Madl
Mit schwoaze Lockn

Andreas hot a Pech g′hobt
Mit dem liabn Madl
Und de schwoazn Lockn

Im Briaf mitm schwoazn Raund do steht
Vor da Fahne
Do homsn abknoit
Untaschriebn is da Briaf vom König
Und sei Untaschrift
De is aus Goid


Hoch obn in de Berg
Mit an Maschinengewehr
Do homsn daschossn
De Spritzer vom Bluat
Hobn in sein G'sicht g′funkelt
Wia Sommersprossn

Aus'm Woid schaut a Bauer
A oida Bauer in Uniform
Mit traurige Augn
Aus'm Woid schaut a Bauer
Und seine traurign Augn de möcht′n

Entschuidign sogn
Und Andreas verliert si
Verliert si für imma
Da Schwoazn ihr Spur

Und durchn Mund vom Andreas
Do fohrt hass wia a Blitz
A eiserne Perlschnur

Andreas brockt Veilchen
Violette Veilchen di brockt er
Vom Brunnenraund
Und da Schwoazn ihre Lockn
De foin saumt de Veilchen
Aus seina Haund


Und da Kübl aum Brunnengrund der sogt zu eam
Du der Brunn is so tiaf
Wia de endlose Nocht
Du der Brunn is no vü tiafa

Wia des Loch des wos si
Mit ihre Tränen mocht
Und er sogt zum Kübl untn im Brunn
Mir reichts vollkommen

Wauna tiafa is ois i
Und er sogt zum Kübl untn im Brunn
Mir reichts vollkommen
Wauna tiafa is ois i