Dowitschenja Jugoslawija Songtext
von Sigi Maron

Ois Kinda san se in da
Gleich′n Schulbank g'sess′n
Miteinaunda hab'n sie
Ihre Schmalzbrot gess'n
Im Kino alte
Amifilm aung′schaut
In de Ferien an der
Groß′n Straß'n baut

In Uniform hab′n de
Alt'n und de Jung′n
Im Gleichschritt
Partisanenliada g'sungen
Aum Tag nach dem
Da Miro g′heirat hat
Is er nach Nord'n in
A große deutsche Stadt


Dragomir komm her zu mir
Sauf ma no a Glas'l Bier
Und zum d′rüberstreu′n auf an Sitz
A Stamperl selber brennt'n Sliwowitz

De Sunn geht unter
In da Adria
Dowitschenja
Jugoslawija

De Sunn geht unter
In da Adria
Dowitschenja
Jugoslawija

Jahrelaung au′m Baug'rüst ob′n
Sei Leb'n riskier′n
Mit'm Presslufthammer terrisch werd'n
Und si′s Kreuz ruinier′n

In an feucht'n Zimmer
Mit zehn andere Leut
Sauf′n weg'n an Heimweh
Und da Einsamkeit


Jedes Monat schön brav
Alles überwies′n
Für a klanes Haus mit
Bad und Marmorflies'n

Daunn kauft er si a Auto
Und erfüllt si sein Tram
Packt sei Klumpat z′saumm
Und fahrt für immer ham

Dragomir komm her zu mir
Sauf ma no a Glas'l Bier
Und zum d'rüberstreu′n auf an Sitz
A Stamperl selber brennt′n Sliwowitz

Gestern san se no de
Best'n Nachbarn g′wes'n
Mitanaund hab′n s' de
Gleiche Zeitung g′les'n

In da Gostionica
Diskutiert
Ob's wirklich no
Vül schlechter wird

Im Fernseh′n irgendwaunn
De erst′n Tot'n
Da Bruada hat sein
Best′n Freund verrat'n

De Katastroph′n hab'n
S′ erst kumma g'hört
Über d'Nacht war auf amoi
Alles nix mehr wert

Dragomir komm her zu mir
Sauf ma no a Glas′l Bier
Und zum d′rüberstreu'n auf an Sitz
A Stamperl selber brennt′n Sliwowitz

An besser'n Freund
Hat er net kennt
In der Nacht hat er eam
Sei Haus abbrennt

De Sunn geht unter
In da Adria
Dowitschenja
Jugoslawija