In Memphis Songtext
von Polo Hofer und die Schmetterband

Ha mini beschte Schueh agleit
Bi iigschtige ine Jet
Aacho im Land vom Deltablues
Bi glandet wo′s gad grägnet het

Es Bild vom Otis Redding het oben abe gluegt uf mi
Ha zwar es Erschtklassbillett gha
Aber s'isch mer glich echly komisch gsii

U jetz bin i in Memphis
Es isch als wäri irgendwie amne Ziel
I bi in Memphis
Un es isch es unbeschriblechs Gfüehl

I ha dr Geischt vom Elvis gseh
Uf de Union Avenue
Bin ihm nache bis nach Graceland
Bim Iigang louft är eifach zue

D′Wachmannschaft hed gar nüt gmerkt
Hett sich versammlet a sim Grab
Und es hübsches, blonds Ding
Sehnt sich nach em King, schteit da u wartet ab


Un i bi in Memphis
Es isch als wäri irgendwie amne Ziel
I bi in Memphis
Un i weiss no nid öbs mir da gfiel

Si hei Hummer uf de Tische
Hei Gospel am Radio
Dr Pfarrer Green de hilft dr gärn
Wenn d'wosch cho bätte, oder so
S'git geng öppis z′bätte in Memphis

Und d′Miss Muriel schpilt di Orgle
Am Fritig im Hollywood Café
Si hei mi mitgno für gah z'lose
Hei mir gseit, si würdes gärn gseh

Wenn i öppis chönnt singe
Da han i gsunge so guet i cha
Da fragt si: Säg bisch du ou e Chrischt?
I säge: Hütt am Aabe ja!

Es isch halt so in Memphis
Es isch als wäri irgendwie amne Ziel
I bi in Memphis
Aber i weiss nid öbs mir da gfiel


I bi in Memphis
Es isch als wäri irgendwie amne Ziel
I bi in Memphis
Un es isch es unbeschriblechs Gfüehl

Ha mini beschte Schueh agleit
Bi iigschtige i Linie Jet
Aacho im Land vom Deltablues
Bi glandet wos gad grägnet het

Aacho im Land, vom Deltablues
Wos grad i Ströme grägnet hett