Kuchh Dil Ne Kaha Kuchh Bhi Nahin - Anupama Songtext
von Lata Mangeshkar

Kuchh dil ne kaha?
Kuchh bhi nahin
Kuchh dil ne suna?
Kuchh bhi nahin

Aisi bhi baatein hoti hain
Aisi bhi baatein hoti hain

Kuchh dil ne kaha?
Kuchh bhi nahin

Leta hai dil angdaaiyaan
Iss dil ko samjhaaye koi
Armaan na aankhein khol dein
Ruswa na ho jaaye koi


Palkon ki thandi sej par
Sapnon ki pariyaan soti hain
Aisi bhi baatein hoti hain
Aisi bhi baatein hoti hain

Kuchh dil ne kaha?
Kuchh bhi nahin

Dil ki tasalli ke liye
Jhoothi chamak, jhootha nikhaar
Jeevan toh soona hi raha
Sab samjhein, aayi hai bahaar

Kaliyon se koi poochhta
Hansti hain woh ya roti hain?
Aisi bhi baatein hoti hain
Aisi bhi baatein hoti hain

Kuchh dil ne kaha?
Kuchh bhi nahin
Kuchh dil ne suna?
Kuchh bhi nahin