Wofür? Songtext
von BAP

Künnt ich et doch schrieve un köhm mir nit blöd dobei vüür:
Dat Leed en alle Sprooche, dämm mer övverall zohührt,
dat einfach nur en Frooch stellt un domet jede Minsch berührt:
Wofür, wofür?

Vun Kapstadt bess zum Nordkap, vun Nebraska nohm Ural,
Berlin bess Wladiwostok un widder öm bess Gibraltar.
Un jeder däät et singe un hätt die Frooch sujar kapiert:
Wofür, wofür?


Refr.:
Wofür die janze Träne,
all dat Leid un all dat Blood?
Et Lääve′s suwiesu zo koot.
Jeff mir ne einzje Grund
für dä et sich zo stirve lohnt -
wofür? Wofür?

Op türkisch un op kurdisch, op arabisch, op Hebro,
op spanisch un op englisch - ich gläuv, dat Leed wööt nit jraad koot.
Op russisch un chinesisch un en dä Sprooch vüür dinger Düür:
Wofür, wofür?

Refr.:
Wofür die janze Träne,
all dat Leid un all dat Blood?
Et Lääve's suwiesu zo koot.
Jeff mir ne einzje Grund
für dä et sich zo stirve lohnt -
wofür? Wofür?


Doch leider blieht dat Leed wohl nur en schöne Illusion,
denn jing dat esu einfach, dann hädden Schlaure sicher schon
dä Drieh dofür jefunge, un sich dobei och nit jeniert:
Wofür, wofür?