Mee Aaj Phul Zale Songtext
von Asha Bhosle

मी आज फूल झाले
मी आज फूल झाले
मी आज फूल झाले

जणू कालच्या कळीला
लावण्यरूप आले
मी आज फूल झाले

सोन्याहुनी सतेज
ही भासते सकाळ
किरणातुनी रवी हा
फेकीत इंद्रजाल

मी बावरी-खुळी गं
या सावलीस भ्याले
मी आज फूल झाले
मी आज फूल झाले


आली कशी कळेना
ओठास आज लाली
स्पर्शून जाय वारा
शब्दांस जाग आली

फुलवून पाकळ्या मी
ओल्या दंवात न्हाले
मी आज फूल झाले
मी आज फूल झाले

मी पाहते मला का?
डोळे भरून आज
लागेल दृष्ट माझी
पदरी लपेल लाज

मी आज यौवनाचा
शृंगारसाज ल्याले
मी आज फूल झाले
मी आज फूल झाले

जणू कालच्या कळीला
लावण्यरूप आले
मी आज फूल झाले