Ich träum für dich Songtext
von Adrian Stern

Jede Schlag vo mim Herz
Gilt immer no dir
Jede Schritt woni mache
Laht mi klarer gseh
Was mir zäme gha händ
Euse Wäg und euses Glück
das du mir mal eso fehlsch
Hani dänn noni gwüsst

All die schwarze Täg
Und all die stille Gebät
All die halbe Verspräche
Und knallharte Facts
All die falsche Hoffnige
Und all die ussichtslose Kämpf
Du häsch nie ufghört träume, bis zum Änd


Und so träum ich für dich witer
Träum vo Liebi, gross wie′s Meer
Mache all die wilde Sache
Wo's dir nüm hät glangt defür
Und ich gseh dich i de Sterne
Laufe barfuess bis as Meer
Und so träum ich für dich witer
Und träge, träg dis Füür i mir

Ich cha di nüm berüehre
Glich blibsch bi mir
Verzellsch vo dine Träum
Was du so gern hetsch gseh
Ghör si wider, dini Stimm
Voller Läbe und voller Chraft
Funke sprüehed, expodiered
Es verrisst di fascht

Und so träum ich für dich witer
Träum vo Liebi, gross wie′s Meer
Mache all die wilde Sache
Wo's dir nüm hät glangt defür
Und ich gseh dich i de Sterne
Laufe barfuess bis as Meer
Und so träum ich für dich witer
Und träge, träg dis Füür i mir


Und so träum ich für dich witer
Träum vo Liebi, gross wie's Meer
Mache all die wilde Sache
Wo′s dir nüm hät glangt defür
Und ich gseh dich i de Sterne
Laufe barfuess bis as Meer
Und so träum ich für dich witer
Und ich träge, träg dis Füür i mir