D'Idee deutsche Übersetzung
von Züri West

I bin e Idee uf em ne Zeddu
zwüschem ne Riissnagu u 're Wand
irgendöpper het mi ufghänkt hie
wär isch mr nid bekannt
u jitz hangen i da u warte
u bis hütt isch nüt passiert
i bin e Idee uf em ne Zeddu
wo niemer intressiert


I bin e Idee uf em ne Zeddu
zwüschem ne Riissnagu u 're Tapete
i ha ke Ahnig wie 's jitz witer geit
öb öpper e Plan het - e konkrete
aber es dünkt mi ender nid eso
u i bi säuber nid überzügt
öb irgend öppis Bruchbars i mir steckt
äuä eifach dä Riissnagu u süsch nüt

I bin e Idee uf em ne Zeddu
zwüschem ne Riissnagu u re Wand
irgendöpper het mi ufghänkt hie
wär isch mr nid bekannt
u jitz hangen i da u warte
u bis hütt isch nüt passiert
i bi d' Idee uf em ne Zeddu
wo niemer intressiert
i bi d' Idee uf em ne Zeddu
wo niemer intressiert
i bi d' Idee uf em ne Zeddu