Vorem Chaschte Songtext
von Tinu Heiniger

Mueter chumm! Chumm lue die Manne
Hei die schöni Lybli anne
Eh, jetz lue die churze Hose
Schwig jetz Mueter, jetz muesch lose

Trittst im Morgenrot, hesch ghört
Lue mau dä Frei! Dä singt wie gstört
Was, der Zidane? Chaisch vergässe
Mueter gits hie nüt zum frässe?

Chumm cho luege, chumm s′fat a
Du, wo isch dr Schoggela?
Lueg jetz dä! Ligt ab! Nenei
Chumm jetz Bubi, gang doch hei

Jetz der Degen, ja, lue, geil
Super gseh! Ja, spiel ne steil
Marco rächts! Rächts louft der Frei
Hueresiech! Nit aus allel


Händs! Penalty! Huereshit
Lueg jetz dä! Er git ne nit
Welsch vo wo dä Schiri chunnt?
Bring däm mau e Blindehund

Spiel mau ab! Isch das e Pfyfe
So, i muess jetz mau ga schiffe
Rüefsch mir, we sie eine mache
He! S'chönnt sy! Muesch nit blöd lache

Drück mau ab! Was söu dä Scheiss?
Was? Es Bier? Ja, hesch mir eis
Ehrewort, lue mau die Deppe
Wei scho afa ds Spiel verschleppe

Gooli use! Das isch dine
Scheisse! Neil Ar tuet ne ine
Nume gäu, dä muess er nä
Chaisch der Sänf mau überegä?

Jetze! Mach ne! Huereshit
Lue, är macht ne wider nit
Ehrewort! I dräie düre
Spiel dä Sack mau ändlech vüre


Nei! Pfyfft ab! Jetz chaischs vergässe
He! Wär het mi Bratwurscht gfrässe?
Chumm, dä Schiri isch e Bire
Mueter! Mach der Grappa vüre