Abschied Songtext
von Tinu Heiniger

Wie mängisch hei mär Abschied gnoh?
Wie mängisch han mi vo der trennt?
Wie mängisch bin i wieder choh?
Wie mängisch vo där dänne grennt?

U wie mängisch hesch äch zu mer gseit?
"So chan i nümm, lah mi i Rueh!"
Wie mängisch hesch d Rueh nümm ertreit?
Hesch glogä wed hesch gseit heigsch gnue

U mir hei haut glehrt üs zämä znäh
Damit is s ja nie wird passiere
Hei lang glehrt ja nie zviu vo nis zgä
Jedoch hei′s guet gläbt u gspürt


I ha mi i dis Läbe drängt
U du hesch di a mis Füür gwöhnt
Du hesch mär minär Wuechänä gsprängt
Wi Sprit u Öu so hei mer tönt

Wie läng mues itz dä Abschid sy
Nütz's öppis we mä dä verfluecht
U müesse mier Verlorne hie
Verliere wiu mer üs hei gsuecht

U mir hei nis mau nüm zämä gnoh
Hei gläbt u brönnt, gö zrugg alei
Verläbt, verbrönnt, wie annner oh
Wo nit so läbe wei

U mir hei nis mau nüm zämä gnoh
Hei gläbt u brönnt, gö zrugg alei
Verläbt, verbrönnt, wie annner oh
Wo nit so läbe wei