Lied vo de Bärge Songtext
von Tinu Heiniger

Grossvater, nei, bitte, mach′s nid
Erklär de Lüt d Bärge hüt nid
Grossvater, nei, i bi dergäge
Dass d aune Lüt Bärge muesch säge
Schwig itze Grossvater chumm hei
Grossvatter, süsch gah ni alei
U ds nächschte mau blyb i dahei

Grossvater Schär steit uf em Gipfu
Z'mitts i frömde Lütt
U zeigt ne syner Bärge, dass′s mi stört
Das stört ihn nüt
Är fuchtlet mit sym Stäcke wiud ir Gägend umenang
U är kennt jede Spitz u jede Grat u kennt e jedes Horn u jedi Wang

Chumm hei, Grossvater, la mi gah
Nüt isch! Är het mi fescht ar Hang
Mou, la mi gah! La los! Nüt isch
Är het mi fescht i syre Hang!


Grüess Gott, Schär isch my Name, ach, jäso
Dir syt hüt ds erscht Mau hie ueche cho
Jä, u de d'Bärge, kennet dir se chli?
Jäja, Schär kennt e jede Hoger hie

So luegit, dert, der Eiger linggs
U d Eigerwand, jäja
Scho mänge liebe Kamerad
Het dert sys Läbe müesse la
Dert, rächter Hand, das isch der Mönch
U dert, dernäbe luegit, gäuit
Breit u wunderschön
Dasch üsi Jungfrou
Ja, si isch ganz nach u scharf hütt wägem Föhn
U dä derthie, lue Martin, lu
Dä chlyn derthie, dasch d Männliflue

Dert ds Sattuhorn
U ds Gspaltehorn
U ds Frommbärghorn
Ds Chindbettihor
U ds chlyne Näschthorn
U der Suggiturm


U hie, nei da, nei dert
Dert linggs, meh rächts
Dert, luegit, lue
Büttlasse, Petersgrat u Dammastock u Aebniflue

Dert, luegit die Nase, dä Rügge, das Füdle, dä Höck, du
U lueget die Gringe derthinge, d Schaflägerstöck
U hinger üs der Chasseral, der Mong Soleil

Grossvatter, chumm doch jitz, mir wei jitz hei

Lue, ds Wysshorn
Ds Schwarzhorn
Ds Grüenhorn
Ds Rothorn
Ds Silberhorn
U ds Rosehorn!
U ds Breithorn
Ds Grosshorn
Ds Schreckhorn
Ds Stockhorn
Ds Schilthorn
Ds Tannhorn
Ds Albrischthorn
U ds Ougschmatthorn
U Bonderchrinde, Bonderalp u Bonderspitz

He, du, Grossvatter! Chumm doch jitz

Lue, ds Schafhorn
Ds Hundshorn
U der Ochs
Der Aff
U d Muus u d Chatz
U ds Rinderhorn
U ds Chinderhorn
Di sibe Hängschte
D Sichle u der Hammer
U dert, lue
My lieb Hohgant
Der Schybegütsch
U d Schratteflue

U der Aabebärg
U ds Steischlaghorn
U d BIre
U ds Morge- u ds Mittaghorn

Grossvatter, i ha Hunger, i wott gah
Nüt isch! Martin! Jetz blybsch du da
Wohäre wosch? Blyb! Mach nid ds Chalb
Lue, ds Doldehorn u d'Blüemlisalp
Dert geit′s über d Gemmi, dert wär Leukerbad
Grossvatter, chunnsch jitze, i wäri parat

Balmhorn, Altels, dert bini mängisch dobe gsy
U dert dä läng u wild, der Strubel vis-à-vis
Vordrann der Niese, stouz u spitz u breit
Lue, gsehsch es ds Bähndli, lue wies uechegeit
Dä spitzig dert, der Gabuspitz
Eh, lue, wär chunnt, Gottwiuche, Fritz
Schär Aernscht! Du hie! Wie geit′s? Salü
Ou weisch no ufem Pizpalü
Ja gäu Fritz, lue dert ds Dündehorn
U d Fründehütte, ds Fründehorn
U hie, nei da, nei dert
Dert linggs, meh rächts
Dert, lue Fritz, lue
Büttlasse, Petersgrat u Dammastock u Aebniflue
Dert, gsehsch se, die Nase, dä Rügge, das Füdle, dä Höck
U gsehsch se, die Gringe derthinge, d'Schaflägerstöck
U hinger üs der Chasseral, der Mong Soleil

Grossvatter, Ehrewort! Jitz chum doch hei

Lue, d Wätterlatte
Ds Wätterhorn
U ds Naduhorn
Ds Stecknaduhorn
U ds Tschingelhorn
U ds Tschingellochtihorn
Dert Dang du Midi
Heftizäng
Dert Ängelshörner
Grang Combäng
Der Mongblang dert
U d Monte Rosa, lue
Der höchscht vor Schwyz

Grossvater, i gah jetz afe mit em Fritz
Schwyg Martin, lue, der Dufourspitz

Är fuchtlet mit sym Stäcke wiud ir Gägend umenang
U är kennt e jede Spitz u jede Grat u kennt a jedes Horn u jedi Wang

U wenn i hütt i d′Bärge gah
U wenn i hütt hie obä stah
Steit Schär Aernscht wider näbedra