Matter Songtext
von Tinu Heiniger

Dä wird alt u dä wird älter
Dä stirbt jung, weiss nid warum, wieso
Dä ma nümm, ganz plötzlech fählt er
Het sich, was gäng meh hie mache
Himmeltruurig ds Läbe gno

Teil göh spät als weisi Greise
Anger wärde früech scho langsam blöd
Ds Läbe isch es Acho, Dasi u Verreise
U di hets denn bi däm blöde
Bi däm blöde Unfall töt

Läng u schmau bisch vore gstange
Cloon u Täll u Eskimo
Knalluffau ufzmau bisch gange
U bisch niemeh, niemeh, niemeh
U bisch niemeh umecho


So, chumm Matter, hü, verzell ä chly
Säg was tribsch, was schribsch, Herrjeh!
Tue nid so bescheide, stell di
Geschter het di schyns grad eine
Z′Rorschach ufem Bahnhof gseh

Schaffsch im Depot, hilfsch em Noah?
Flügsch im Tram em Himmel zue?
Faht dert obe alls vo vor a?
Oder hocksch am Waldrand hinger
Mit em Pinsel vor dirä Chue?

Du bisch cho u nid lang blibe
Längschte furt u gäng no da
Du hesch gsunge u hesch gschribe
So, wie's hie e kene cha

Läng u schmau bisch vore gstange
Cloon u Täll u Eskimo
Knalluffau ufzmau bisch gange
U bisch niemeh, niemeh, niemeh
U bisch niemeh umecho

Hesch di ufglöst, hesch di gfunge?
Bisch amänd der Ma im Mond?
Luegsch is zue was gsehsch hie unge
Wärde, blibe mir, wie lang no
Hie no mau e chli verschont?


Du bisch cho u nid lang blibe
Längschte furt u gäng no da
Du hesch gsunge u hesch gschribe
So, wie′s hie e kene cha

Läng u schmau bisch vore gstange
Cloon u Täll u Eskimo
Knalluffau ufzmau bisch gange
U bisch niemeh, niemeh, niemeh
U bisch niemeh umecho

U bisch niemeh, niemeh, niemeh
U bisch niemeh umecho