Chräje Songtext
von Tinu Heiniger

Glänzegi, schwarzi, grossi Chräje
Hocke uf der Tanne
Vorem aute, chlyne, rote Hus
Lang bevor hie d′Outoschlange
Ghetzt u gstresst gäg d'Stadt zueschlycht
Chräje die scho ihre Morgegruess

Wo die erschte Sunnestrahle
Läng u häu dür d′Chuchi schyne
Stryche mir paar Schätte über ds Gsicht
U jetz hocke si im Nussboum obe
Lache, bäägge u verzeue
Dert enang en auti Chräjegschicht

Chräje, Chräje
Lue, hie bin i, hie
Chräje, Chräje
Chräj mir no ne chly


Sie sy mitenang verbunge
Über Bärg u Tal vernetzt
Wüsse d'Chräje, wär u wo ni bi
Wo ni hocke, wo ni sta
Wo ni lige, wo ni ga
Irgendnöime da warte sie uf mi

Wenn i mau für gäng verreise
Irgendnoimä zwüschem Himmu u der Ärde bii
U nid weiss, u nid weiss wohäre dass i muess
Wär i z'tod gärn so ne Chräje
We d′bim Nussboum ds Gras tätsch mäie
Tät dir eine obeache chräje
So ne liebe Chräjemorgegruess

Chräje, Chräje
Lue, hie bin i, hie
Chräje, Chräje
Chräi mir no ne chly