Summerabe Songtext
von Tinu Heiniger

I ha ja so lang gmeint, du wöuisch gäng z′Läbe mit mier teile
U ha gäng wieder gmeint, du heigsch gäng wieder Zyt für mi
Und itz, itz bruch i Zyt für mi, für minär Wundä z'heilä
U Zyt für ds gseh, dass was isch gsi glich äbä nid für nüt isch gsi

I bruuchä Zyt mi hie vo auem z′trennä
Vom Bärg, vom See, vom Nussboum u vo diär, vom Läbä z'Zwöit
Und i vergah und i zärfliessä dra und i verbrönnä
U äs röit mi nüt, ke Krach, ke Liebäsnacht, äs het mi nie nüt gröit

S git Lüt, diä säge: "Lue doch fürä, was dahinner isch isch gmäit"
Und i bi einä wo gäng umäluägt u wo sich allpott dräit
Ja, i bi einä wo zrugg louft, wo wot wüssä was är hiä het gmäit
Und o ig säge nüt wiu mäiä cha mä numä, was ma mau het gsäit


Ja, ja, i weiss, i weiss, i bi viu z'lang am Autä ghanget
U ha geng wiedär gmeint äs sött geng wieder si, wi denn wo du bi mier
Ja, irgendwie da hani äbä äuä z′Läbä lang druf planget
Du wartisch uf mi Nacht für Nacht, stöngisch im Mondliächt uf där Loubä vor där Tür

Luäg, gsesch där Abästärn rosarot am Himmu?
Dä brönnt u brönnt u glüet u glüet det Nacht für Nacht
Un uf dä dunklä Bärgä steit uf zmau a miudä Schimmär
Dä hani vori zämä mit äm Abäluft für di det obä gmacht

S git Lüt, diä säge: "Lue doch fürä, was dahinner isch, isch gmäit"
Und i bi einä wo gäng umäluägt u wo sich allpott dräit
Ja, i bi einä wo zrugg louft, wo wot wüssä was är hiä het gmäit
Und o ig säge nüt wiu mäiä cha mä numä, was ma mau het gsäit

Ueli, bring a mau än angeri Sägässä, di hout ja gar nüt
Hesch du diä nächti nüt dängälät?
Tou, u när chasch de no ds Gras ietuä
D′Muätär wartet scho mit äm Znüni