Mackie Messer Songtext
von Tinu Heiniger

Im stiere Hotäl vor em TV
Mit em Chännel-Jumper
U mit dreiedryssg Programm

Mit Radiowecker, Bad u Dusche
Klimaalag, Minibar
U Lift u Telefon

Im Bahnhofbuffet Stammtischsprüch
Bim Türgg im Taxi ds Kurdethema
Angscht, Schweiss, Gstank im Tram

U mueterseelalei ir Nacht
Mit chaute Scheiche, ohni Sesch
Uf eme Zugsperron

Im lääre Zug am Fluss entlang
När düre Bärg u när schnuergrad
Näb dere Outobahn

E, e, lue dert, ′s het eine gchehrt
Der nächscht brätscht dry, der vorderscht brönnt
Es hornet, qietscht u stout


Jetz ds AKW, tschou Tschernobyl
Es Loch im Waud, e Trax, es Gleis
Am Bode ligt e Kran

Ir Zytig steit
Der Wolf isch tod
Im Slalom macht

Der Tomba Gold
Grau lüüchtet hinger
Ds Aaberot

I'm Mack the knife
I like my life
And I′m still on the road

I'm Mack the knife
I like my life
And I'm still on the road

Im gstylte, hohle Studio
I irgend somne Radio
Frgt eine: Singsch scho lang?

Us Boxe zischt ds Elektrodrum
Es Chöhrli stöhnet′s, eine singt′s
Oh bab', i bi alei


U i schänke dir mys Härz
Meh han i nid
Es isch es schöns un es guets

Du chaisch es ha, we de wosch
Un e gschrumpfeti Läbere
E teereti Lunge no derzue

Dür d′Ungerfüehrig schwankt ä Frou
He, häsch en Stutz? Dä Hutusschlag
Im Gsicht u a der Hang

En aute Ma seit zu syr Frou
E Gruess am Urs u gäll, Trudi
Chunnsch gly mal wider hei

Ir Garderobe i däm Spiegu
Lache d'Ouge us däm aute
Runzelige Gsicht

E Lehrer luegt sy Lehergring
E Gloon isch stouz, dass sech sys Ching
Mit ihm uf d′Bühni trout

E Besserwüsser, wo nüt weis
E Reisende uf syre Reis
Verchouft de Lütt sy Gschicht

Ir Zytig steit
Der Wolf isch tod
Im Slalom macht

Der Tomba Gold
Grau lüüchtet hinger
Ds Aberot

I'm Mack the knife
I like my life
And I′m still on the road

I'm Mack the knife
I like my life
And I'm still on the road