Irgendmau, irgendwo Songtext
von Tinu Heiniger

Irgendmau
Irgendwo
Bin i i das Tau
Das Land hie cho

Bi nit Indianer
Bi nit Pakistaner
Nei, bi Schwitzerbürger
Dür ü dür

I de Bärge
Bi de Zwärge
Dert bin i deheim
Cha nüt derfür

Irgendwo
Irgendmau
Acho i däm schöne
Ämmitau


Wie, warum derthäre
Niemer chas erkläre
D′Wäut isch gross
U i so chlyn u nüt

D'Väter sträng
U ds Dorf so äng
U geschter zeut dert meh
Aus morn ü hüt

E jede wär
Hie so gärn Millionär
Glanz u Gloria schynt
Dür d′Plastigwäut

Ds Land läbt vo de Banke
D'Chemie läbt vo de Chranke
Der Buur verreckt
D'Strass geit zmitts dür sis Fäud

Still sy d′Geischter
D′Gier isch Meischter
Deal heisst ds Spiel um ds Glück
U ds Glück heisst Gäud


U du? Vo wo?
Ke Pass? wieso?
Du hesch no nie es rächts
Deheime gha

Derby, ou mir die Ryche
Sy eines Tages Lyche
U müesse ds Land
U müesse ds Tau verla

Du u ni
Mir aui hie
Gö hei i ds Heimatland
S'isch änedra