Wos i net waß Songtext
von Sigi Maron

De Hawara san obg′haut
Endlich is a Ruah
Des Telefon in Kühlschraunk
I sperr de Bude zua

I hau mi auf mei Sofa
Vurm Fernsehapparat
Do erklärt ma da Minister
Er wär ein Demokrat

Soletti in da Pappn
Da Tschik is längst vaglüht
De Werbung hob i obdraht
Wäu jetzt kummt Zeit im Büld

Auf amoi mocht's an Krocha
A Schrei kummt durch de Waund
I drah a bissl lauter
Putz a Brösl von mein G′waund


Huhu wos i net waß
Huhu mocht mi net haß
Huhu wos i net waß
Huhu mocht mi net haß

Des Schreien is ma lästig
I pumper aun de Waund
Womöglich... na i glaub's net
Ma hört zwar allerhaund

Ob und zu a Watschn
Davon wird kana blind
Wos i von nebnaun g'hört hob
Wor sicher nur da Wind

Huhu wos i net waß
Huhu mocht mi net haß
Huhu wos i net waß
Huhu mocht mi net haß

Vur unsern Haus do steht
A großa schwoarza Wagn
Zu dem zwa junge Leut
A klane Kistn trogn


Alle werdn ma g′frogt
Und jeder von uns schwört
Kana hot des Kind
Jemois wana g′hört

(Huhu wos i net waß)
(Huhu mocht mi net haß)
(Huhu wos i net waß)
(Huhu mocht mi net haß)

(Huhu wos i net waß)
Wos i net waß
(Huhu mocht mi net haß)
Mocht mi net haß

(Huhu wos i net waß)
Wos i net waß
(Huhu mocht mi net haß)
Mocht mi net haß

(Huhu wos i net waß)
Wos i net waß
(Huhu mocht mi net haß)
Mocht mi net haß