Waun de Hirntoten Songtext
von Sigi Maron

Nix seh′n und nix hör'n
Nix vasteh′n, nix erklär'n
Nix tuan, nur kassiern
Nix merken, nix g'spür′n
De an de san blad und
De ander′n san schlank
A paar de san g'sund
Aber vüle san krank
De meisten san bled
Oda hab′n gar ka Hirn
Leider kann ma net alle
Deppen einsperr'n


Mit Tränen in de Aug′n
De Wähler aunliag'n
Ohne Wimpernzucken
De Wahrheit vabiag′n
Im Landtag unruhig
Auf de Sesseln wetzen
Und den blaubraunen
BZÖ verpetzen
Karawankenzombies
In Mercedes Kombies
Ausser Rand und Band
Brausen durch das Land
Knoblauch, Kas und Bärlauchduft
Schwängern d'warme Frühlingsluft


Waunn de Hirntoten
Aung'soffen Autofahr′n
Mit′m Handy am Ohr
In da Nasen bohr'n
Durch de Ortschaft fahr′n
Daham wart de Frau
Mit'm Kaiserschmarr′n
Hamtückisch hinter ana
Hecken vasteckt
Da hat wer an Felsbrocken
Zuweg'legt
Schnell kann′s dann geh'n
Dass es durt an zalegt
A Fuass hat si no
A bissl bewegt
Liegt a Hand auf das Straß'n
Brauchst net unruhig werd′n
Zu irgendan Körper
Wird sie schon g′hörn
Is da Körper vabrennt
Kaunnst den Sarg einspar'n
Waunn de Hirntoten
Aung′soffen Autofahr'n

Drob′n auf'm Berg
Sitzt a blada Gummizwerg
Den Trachtenhuat am Kopf
Und am Hals an Mugl Kropf
Er jodelt und er schreit
Wir trauern landesweit
De Sunn is vom Himmel
Obag′fall'n
Und die letzten
Sonnenstrahl'n
Versinken lautlos
In dem See
Er schmeckt nicht mehr
Der Milchkaffee
Der Tag is so finster
So finster wie de Nacht
Ja, was hab′n ma aung′stellt
Was hab'n ma g′macht
Bei uns is des Saufen
Kein Verbrechen
Der Papst soll den Vollkoffer
Heiligsprechen

Waunn de Hirntoten
Aung'soffen Autofahr′n
Mit'm Handy am Ohr
In da Nasen bohr′n
Durch de Ortschaft fahr'n
Dabei no net trocken san
Hinter de Ohr'n
Waunn da Motor gurrt
Und lässig brummt
Und auf amoi a starke
Kurven kummt
Statt in de Kurven
Da fahr ma g′radaus
Und eine in des des frisch
... Gartenhaus
A Heugabel bohrt si
Durch de Winsschutzscheib′n
Vom Schädel wird nimmer
Vül übrig bleib'n
Is da Körper vabrennt
Kaunnst den Sarg einspar′n
Waunn de Hirntoten
Aung'soffen Autofahr′n

Nix seh'n und nix hör′n
Nix vasteh'n, nix erklär'n
Nix tuan, nur kassiern
Nix merken, nix g′spür′n
De Sunn scheint auf's Dach
Und daunn fallt′s in an Bach
Des Wasser verdampft
Was bleibt is a Loch
Karawankenzombies
In Mercedes Kombies
Ausser Rand und Band
Brausen durch das Land
Knoblauch, Kas und Bärlauchduft
Schwängern d'warme Frühlingsluft
Es beten für
De arme Seel
Sogar de Teufel
In da Höll
Oh Herr schick de nächsten
Hautabschürfler
Den Petzner, den Scheuch
Und den Gerhard Dörfler

Waunn de Hirntoten
Aung′soffen Autofahr'n
Mit′m Handy am Ohr
In da Nasen bohr'n
Durch de Ortschaft fahr'n
Daham wart de Frau
Mit′m Kaiserschmarr′n
Hamtückisch hinter ana
Hecken vasteckt
Da hat wer an Felsbrocken
Zuweg'legt
Schnell kann′s dann geh'n
Dass es durt an zalegt
A Fuass hat si no
A bissl bewegt
Liegt a Hand auf das Straß′n
Brauchst net unruhig werd'n
Zu irgendan Körper
Wird sie schon g′hörn
Is da Körper vabrennt
Kaunnst den Sarg einspar'n
Waunn de Hirntoten
Aung'soffen Autofahr′n