Mauseschnuz, oh Mauseschnuz Songtext
von Sigi Maron

Purpurrote Nölkn vom
Z′drucktn Gros da Duft
Glocknblumen läutn
Regn liegt in da Luft
Wassrigblaue Woikn
Malen Fleckn auf de Wiesn
Maunche schaun wia Zwergerl aus
Owa maunche a wia d'Riesn
Aum rodn Mohn a Biene summt
Im Feld hängt dünner Dunst
Waunn de Zeit ins tameln kummt
Singt de Nochtigoll umsunst

Mauseschnutz, oh Mauseschnutz
Kumm geh mit mir in Kukuruz
Mauseschnutz, oh Mauseschnutz
Kumm geh mit mir in Kukuruz


Auf der Erden
Auf der feuchtn
Bring i deine
Augn zum leuchten
Waunn′s Trockenbluat
In de Venen brodelt
Hörst net wia da
Maulwurf jodelt

Olivbraun spaunnt si de Haut
Um ihre runden Kugeln
De wos si riesengroß
Aus ihrer Blusn schmuggeln
Meergrün schimmern ihre Augn
Wia Goldstaub is ihr Hoor
Und ihr roter Mund
Der geht von Ohr zu Ohr
Im flachen Feld de Luft vibriert
Aum rotn Mohn da summt de Biene
A Käfer über de Wiesn irrt
Doch sie bleibt koid wia a Sardine

Mauseschnutz, oh Mauseschnutz
Kumm geh mit mir in Kukuruz
Mauseschnutz, oh Mauseschnutz
Kumm geh mit mir in Kukuruz


Auf der Erden
Auf der feuchtn
Bring i deine
Augn zum leuchten
Waunn's Trockenbluat
In de Venen brodelt
Hörst net wia da
Maulwurf jodelt

Den Maulwurf hört sie
Nie des G'frieß
Wäu er wia ois
Aus Plastik is

Aus Plastik san
De Glockenblumen
De purpurrotn Nölkn
Aus Plastik san
De Bienen und aum Feld
De Woiknfleckn

Aus Plastik is
Der dünne Dunst
Und a da rote Mohn

Aus Plastik is de Nochtigoll
Aus Plastik is de Sunn
Aus Plastik is da wüde Klee
Und a da Kukuruz

Aus Plastik jo do is sogor
Mei siaßa Mauseschnutz
Aus Plastik jo do is sogor
Mei siaßa Mauseschnutz