Maronlandler Songtext
von Sigi Maron

Gestern und Heut
Hot de Sunn so sche g′scheint
Hot no nia so sche g'scheint
Ois wia gestern und heut

Und in da Finsterkeit
Do siacht ma net so weit
Ois wia beim Tagesliacht
Wo ma vül weita siacht

Waunns Leberknödel regnt
Und Bratwürstel schneibt
Bitt i n′Herrgott
Dass s'Wetter so bleibt

A Grill sitzt im Gras
Und pfeift si grad was
Auf amoi is's stad
Schädl abg′maht


I hab allweil g′moant
I datrogat's goa nia
Und jetzt hab i′s datrog'n
Oba frogt′s mi net wia

Bist gestern do g'wesn
Und heut a scho wieda
Waunnst morg′n wieda kummst
Wirst ma a scho z'wida

Dreanta da Deana
Wo de Föbasteck stehn
Jo do hod da oide Deixl
Den Jungan darennt

Und er hod eam darennt
Und er hod eam danaht
Und er hod eam des Eiwendi
Auswendi draht

Des Eiwendi auswendi
Hot a eam draht
Und do jaummans ummanaund
Von da Fruah bis auf spat


Waun da Deixl da Oide
Den Jungan darennt
Und des dreanta da Deana
Wo de Föbasteck stehn

Sigi Maron
Wissen's des schon
Is immer no net
Hoibad so bled

Wia de, de wos glaub′n
Se wiss′n scho laung
Was los is und so
Mit'm Sigi Maron

Waßt du was′d bist
Du bist Kommunist
Warst ka Kommunist
Waßt du net, was du bist

Se stengan und schaun
Seit waß i wüvü Johr
Waunn da Sigi Maron
Mit sein'm Rollstuhl vurfohrt

Sei Klaumpfn auspockt
Und de Gosch′n aufreißt
Und si heite wia friah
Um gar nix was scheißt

Sigi du bist
A Antikapitalist
Wia's kan ärgern net gibt
D′rum bei uns so beliebt

Wir wünsch'n uns nur
Dass de Geschichte, de Kuah
Dir irgendwaunn recht gibt
Und jetzt geb'n ma a Ruah