Jagdgesellschaft Songtext
von Sigi Maron

Jagdgesellschaft
(Einstaund fia n fuastaund aum hochstaund)

Auf de berg do röhrn de hirschen und a wolf heult ausn woid
Mei oame söl muass weiter pirschen, dabei is ma schon so koit
Ausn dorf hör i de glockn und des echo aus der schlucht
Wossa rinnt ma in de socken owa nie denk i aun flucht

Da wind weht durch die tannenwipfel und ein bledes hundsviech kläfft
Im jägerstand beim gaunergipfel blüht derweil das waffeng′schäft
Auf da alm jodelt da senna drunt im tal rauscht da verkehr
Jogn is was für horte männer oder für an millionär

Do hobts mein hund do nehmts mei gwehr
Wäu jagern jagern wüll i nimmer mehr
Do hobts mei kind do nehmts mei frau
Nur mei konto bitte bitte schaut se niemand aun


I hob an weatvoin jagastutzn und damit der funktioniert
Gherta so wia meine freind vor gebrauch erst urndlich gschmiert
Bunga bunga, fesche hosn, schampus austern weidmannsheil
Steifes rohr a lederhosn, korruption und geiz is geil

D maria hiat dawäu de hüttn, spüt se mit da kotz ihrn schwaunz
Waun ihr hass wird in da mittn, bet sie schnöll an rosenkraunz
Vom himmel stürzt des regenwossa, auf da nosn sitzt da reif
Und beim bladen oberjäger is des gieblkreiz schon steif

Do hobts mein hund ...

Drunt im dorf die kichenglocken läuten froh den sonntag ein
Bevor die kuhfladen vertrocknen is des göd in lichtenstein
Linke spinner und chaoten solln de hoffnung glei begrobn
Weil richtige hubertusjünger stets a rechte lösung hobn

Pfiat di stabock pfiat eich gamsn aar du edles wappentier
Journalisten uns vawamsn, mia san söba im visier
Wir vom adel worn scho imma guat für an gesetzesbruch
Mehr als tausend jahre vergengan bis zu einem richterspruch

Do hobts mein hund ...

Text und musik: sigi maron / fritz nußböck