Gleichberechtigt Songtext
von Sigi Maron

Tiaf vaschleiert
De Knia ausgleiert
Schleicht durch de dunkle Nocht
A G′stoit de im Liacht
Kan Schottn mocht

Augn wia Hoizkoin
Druckts a Türschnoin
Von an finstan Haus
Grausam blickt
A Aug, a blaus

Türaungln knorrn
Und a Kaiserschmorrn
Revoltiert aum Herd
A Kind wird gmocht
A Hundsviech plärrt


Robn krächzn
Knochn ächzn
Liacht foit durch an Fenstaspoit
No imma wirfts kan Schottn
De böse dunkle G'stoit

Wirds gelinga
Steife Finga
Findn ohne schaun ihr Züh
Schaudernd draht si
S′Ringlg'spüh

A Furunkl
Weicht dem Dunkl
Schlog auf Schlog geht auf des Liacht
Jo fürchterlich is
Wos do gschiacht

Und durch dunkle Nocht
Do fohrt des Echo von an Schra

Jössas na, a Frau aum Pissoir
(Jössas na, a Frau aum Pissoir)


Sie geht so gern
Aufs Maunnaklo
Do braucht si
Nie wos zoin (jössas na)
Do kaun si
Auf de kachln
Gedichte
Auffe moin (a Frau aum Pissoir)
Von freiheit
Und von gleichheit
Wäu si
Net vasteht
Dass jeda der (jössas)
A zumpferl hot (jössas)
Umsunst (jössas)
Aufs heisl geht (na)

(Jössas na, a Frau aum Pissoir)

Seither steht auf jedm Heislgaung
Freien Weg dem gleichn Draung