Alles neu Songtext
von Sigi Maron

Mei Herz kummt aus Brasilien
De Gall aus Bangladesch
Zwa Zechn aus Bolivien
Aus Singapur mei Wäsch

De Leber frisch aus Uruguay
A Niern aus Pakistan
Aus da Türkei a drittes Ei
Wäu′s heut so billig san

Mit Venen aus Tunesien
Gibt's öfters a Problem
Zum einestech′n san's zu hort
So sticht ma oft daneb'n

De Lunge aus′m Senegal
Is dafür wirklich stork
Und des beste aus El Salvador
Is eana Knochenmork


Leider wird im Bürgerkrieg
Des schönste Fleisch verbrennt
Was ma von de no brauch′n kaunn
San bestenfalls de Zähn'd

Und a so a g′söchte Zauhn
Is a net interessant
Gewisse Länder san und bleib'n
Halt Rohstofflieferant


Für preiswerte Knorpeln
Und günstige Knochen
Muss man halt schnell
Eine Weltreise machen
Im Ausverkauf gibt′s
Speziell auf Sri Lanka
Nerven von an
Tamilischen Punker
Mit dem neich'n Ohrwasch′l
Aus Madagaskar
Hört man garantiert
Wieder ganz glasklar
Und schlaffe Muskeln
Werd'n gratis gestrafft
Waunn man vorher in Hongkong
An Eierstock kauft
Um an knackig'n Blindarm
Für die Tante Klara
Fohrt ma kurz owe
In die Sahara
Und schickt aus Marokko
Recht herzliche Grüße
An Omas chilenische
Bauchspeicheldrüse

Zwa Sach′n g′höratn no g'richt
Im Kongo hob′ns a Hirn
Im Supersonderangebot
Zum direkt importieren

Den Rest, der daunn no überbleibt
Mach ma bei uns erst neich
Wäu da schönste Oasch zum einekräul'n
Der kummt aus Österreich

Jo, da schönste Oasch zum einekräul′n
Der kummt aus Österreich

Jo, da schönste Oasch zum einekräul'n
Der kummt aus Österreich

Jo, da schönste Oasch zum einekräul′n
Der kummt aus Österreich