Sau Baar Banakar Maalik Ne Songtext
von Mohammed Rafi

Sau baar banaakar maalik ne sau baar mitaayaa hoga
Sau baar banaakar maalik ne sau baar mitaayaa hoga
Ye husn mujassam tab tera is rang pe aayaa hoga
Sau baar banaakar maalik ne sau baar mitaayaa hoga

Kayi laal taraashe honge, tab honth banaae honge
Kayi laal taraashe honge, tab honth banaae honge
Daanton kee jagah pe moti chun-chun ke lagaae honge


Zulfen kaali karne ko badali ko jalaayaa hoga
Ye husn mujassam tab tera is rang pe aayaa hoga
Sau baar banaakar maalik ne sau baar mitaayaa hoga

Saagar ke sunahare seepi palkon pe sajaae honge
Saagar ke sunahare seepi palkon pe sajaae honge
Do neelkamal neelam see aankhon mein khilaae honge

Angon mein chamak dene ko chanda ko galaaya hoga
Ye husn mujassam tab tera is rang pe aayaa hoga
Sau baar banaakar maalik ne sau baar mitaayaa hoga
Sau baar banaakar maalik ne sau baar mitaayaa hoga