Kasalla Songtext
von Kasalla

Luur ens de Lück, se waade
Se stonn em Plattelade un se schwade
Häs du dat jehürt
Wat han die Junge vür
Sin dat Jecke oder Wilde
Wat führe die em Schilde

Jetz kütt d′r Beat un et Leed jeiht loss
Drieh ens düchtich op, aff jeit de Poss
Alle Häng huh, Aure op, nit zo
Us enem Funk weed en Flamm, m'r brenne lichterloh


Mer sin Kasalla
Un uns Plaat es endlich do, dat weed Knaller
Für jede Jeck op d′r Welt et Walhalla
Sie hatten Kölsch bestellt
Un en Musikkapell
Op eimol weed et hell

Et jitt Kasalla
Mer han die Leedcher parat, dat weed Knaller
Un mir sin endlich am Start
Aanschnalle, denn hück jevve mer Jas
Kein Angs, keine Bammel, denn m'r wulle nur Spaß

Schöne joode Ovend
Schön dat ihr all do sidd
Ob Fesszelt oder Moshpit
Kutt eran un klatscht met