Ich jonn kapott Songtext
von Kasalla

Uns Name prange stolz un schäl
In Kupfer injraveet
E Hätz, en Zahl, för immer
Wä hätt jewuss wat dann passeet
Alt, zerschramp un rostich
Am Jeländer vun der Brück
Et rüch als hät ene Hungk ald draanjesick

Et wor ne Daach voll jolde Sonn
Su han ich et em Kopp
Vür ener halven Iewigkeit
Die Zick määt mich beklopp
Dä Schlüssel litt flussaffwärts
Irjendwo im deefe Schlamm
Hück schingk de Sonn nit mieh
Un de Bröck es klamm


Kumm un schnigg mi Hätz
Met enem Bolzeschnigger erus
Zerbiess dat Schloss
Un werf et in dä Fluss
Un et singk zum Jrund
Met Alje, Schlick un Teer
Schmiess mi Hätz jlich hingerher

Kumm un schlaach uns Welt
Mit enem Vürschlaachhammer en
Un die dausend Schirve jevve keine Sinn
Un dann jank, kumm jank
Dann bes Du endlich fott
Du jeihs zo em
Un ich, ich jonn kapott

He hing dat Deil jetz Daach un Naach
Bei Rään un Sunnesching
Als künnt et irjendjet konserviere
Dat dumme rude Ding
Als künnt et uns üvver Wasser halde
Als wöre mer noch zwei
Der ICE noh Hamburch rausch vörbei


Dä Jriff us Chrom Vanadium
Litt köhl in minger Hand
Dä Büjel us jehärtetem Stahl
Dä leiss noch Widderstand
Ävver wie die Zick an uns jenaach
Zerbrich et doch zoletz
Kumm ich schenk Dir hück Naach
Ming halves Hätz

Kumm un schnigg mi Hätz
Met enem Bolzeschnigger erus
Zerbiess dat Schloss
Un werf et in dä Fluss
Un et singk zum Jrund
Met Alje, Schlick un Teer
Schmiess mi Hätz jlich hingerher

Kumm un schlaach uns Welt
Mit enem Vürschlaachhammer en
Un die dausend Schirve jevve keine Sinn
Un dann jank, kumm jank
Dann bes Du endlich fott
Du jeihs zo em
Un ich, ich jonn kapott

Du häss ens jesaat
Dat dat met uns jet besonderes es
Luur wie et jeloofe es
Wat üvverich es ne Haufe Driss
Un he dat Schloss an der Bröck
Unser Monument
Luur uns aan hück, di Hätz es Stein
Un mings dat brennt

Keine Jewinner doch
In minger Bruss e Scheissloch
Du häs jesaat dat weed för immer sin

Weiss Du noch?

Doch för immer jing nur bes he hin
Wigger nit
Du saats am Anfang nur
Du bruchs e besje Zick för Dich?

Wä is dat Sackjeseech
Hä kritt Dich aff un ich?
Ich wööd ihm su jään wieh dun
Doch dat maach ich nit
Dat friss mich richtig aan
Wat hätt der wat ich nit han
Hä hätt wat ich nit han
Es jede Naach dinge Mann

Häss die Welt usjemolt
Ich dä Papp Du die Mama
Jetzt schlääs Du alles am Arsch
Mit dingem Vürschlaachhammer
Nur noch Schirve, Schund un Schrott
Un wenn Du Dich irjendwann fröchs
Wohin ich jejange ben
Ich jonn kapodd

Wä is dat Sackjeseech
Hä kritt Dich aff un ich?
Ich wööd ihm su jään wieh dun
Doch dat maach ich nit
Dat friss mich richtig aan
Wat hätt der wat ich nit han
Hä hätt wat ich nit han
Es jede Naach dinge Mann

Häss die Welt usjemolt
Ich dä Papp Du die Mama
Jetzt schlääs Du alles am Arsch
Mit dingem Vürschlaachhammer
Nur noch Schirve, Schund un Schrott
Un wenn Du Dich irjendwann fröchs
Wohin ich jejange ben
Ich jonn kapodd