Ich ess Fleisch Songtext
von Kasalla

Der Minsch lääv nit vum Brut allein
Dat reich jo nit zom Levve
Dröm es et met Hähnche, Wild
Lamm, Rind un Schwein
Jot un reichlich zo beläje
Et jrööste Jlöck es jot zo ze lange
Un su e schön Stöck Filet jot affjehange
Ich ich han en Leidenschaff
Dodurch stonn ich su joot im Saff
Die Kraff die kütt nit vum trainiere (nä nä)
Ich ess esu jähn dude Diere (määh määh)

Mancher friss Knäckebrut
Un Müsli fies un weich
Doch Tofuwoosch hät mir noch nie jereich
Ich ess Fleisch
Ich ess Fleisch


Et es politisch nit korreck
Mir drissejal, sulang et schmeck
Jemös jehöt sich zom Verziere
Vun Schnitzel, Wööschjer
Flönz un Niere

Mancher friss Knäckebrut
Un Müsli fies un weich
Doch Tofuwoosch hät mir noch nie jereich
Ich ess Fleisch
Ich ess Fleisch
Ich ess Fleisch

Vejaner, jangk mer us dem Leech
Ich ess nur Saache met Jeseech
Zom Fröhstöck nemm ich e Pund Mett
Zo Middach lecker Jrillkotelett
Zom Kaffee dann Tartar met Ei
Zom Ovendbrut jot Flönz dobei
Zom Nasche lecker Wooschkamelle
För zweschedurch Hackfrikadelle
Dat Dier hät morjens noch jequiek
Dann wood et durch d′r Wolf jedrieht


Zur Nut nemm ich och Katzefoder
Wenn ich söns nix han
Un wenn d'r kleene Hunger kütt
Hau ich die Katz treck met en de Pann
Ich ben keine Kossverächter
Bahl es Zapfestreich
Ihr wullt et schön jesund, vejan un leicht
Ich ess Fleisch
Ich ess Fleisch
Ich ess Fleisch