Durch ding Aure Songtext
von Kasalla

Ich luur dich einfach aan
Su klein un doch perfek
Steihs du do
Noch völlig ohne Sorje

De Zick die raas vüraan
Watt kümmert dich dat schon
Drissejal
Denks lang noch nit an Morje

Et sin die kleine Saache
Jet spille, danze, laache
För Dich steck do noch su vill Zauber dren

Künnt ich eimol noch de Welt durch ding Aure sinn

Cowboy un Spion
Jede Daach es för dich
E neues Abenteuer

Us Blömcher es ding Kron
Et Jaadehuus dinge Palass
D′r Hungk e Unjeheuer


Ungerm Chrisboum sitze
Kinderaure jlitzere
Ich froch mich, wo sin all ming Johr nur hin

Ach künnt ich eimol noch de Welt durch ding Auge sinn

Maach et Finster op
Et reich e janz klei Stöck
Mer fleeje zom Mond
Und sin morje fröh zoröck

De janze Welt litt dir zo Fösse
Un d'r Himmel steiht dir op

Dä Daach is ald am Engk
De Naach brich an
Kumm zor Rauh, Häs kei Angs em dunkele

Denn dä Sandmann schenk
Dir ne Draum
Löss för dich
Millione Stääne funkele
Mich hätt et jot jetroffe
Han mich am Jlöck besoffe
Ich dank dem Herrjott doför wat ich ben

Doch künnt ich eimol noch de Welt durch ding Auge sinn