Serenatella sciuè sciuè Songtext
von Roberto Murolo

Ha ditto ′o core mio: "Fa 'o tentativo
A mezzanotte va′ sotto 'o balcone
Chella l'ha fatto sulo pe′ currivo
Ma se fa′ 'ntenneri′ cu na canzone"

E i' so′ turnato cca'
E i′ so' turnato cca'
Cu ′sta chitarra mia pe′ ta canta'
Ma ′sta serenatella ca i' porto a tte
È na serenatella sciuè, sciuè


Pecchè si nun me siente
Je resto indifferente
E a mille vocche ardente
Me voglio fa′ vasa'
Pirciò ′sta canzuncella
Ca i' canto a tte
È na serenatella sciuè, sciuè
Sciuè, sciuè

Tu nun mm'hê dato pace nu mumento
E mme ll′hê fatta perdere ′a pacienza
Si mo, cantanno, metto 'o sentimento
′O ffaccio cchiù pe' scrupolo ′e cuscienza
'O core ha ditto: "Va′"
'O core ha ditto: "Va'"
E i′ nun mme so′ pututo rifiutá

Pecchè si nun me siente
Je resto indifferente
A mille vocche ardente
Me voglio fa' vasa′
Pirciò 'sta canzuncella
Ca i′ canto a tte
È na serenatella sciuè, sciuè
Sciuè, sciuè


Sciuè, sciuè
Sciuè, sciuè