Ufstand Songtext
von PVP

Ab hüt gits en ufstand u vorstadtkids gö nüm id schuu
Säge nei zum wahn u plane izug ids bundeshus
Ab hüt isch aus widr nöi nümme definiert
Nümme widrchöie u vereint loufe 100'000
Hoffnig ads guete roube si de junge
Doch itz tobe si wüu si hei dr gloube widr gfunge
Scho ne haube sieg ihne das wo dir vo ne hautet glych
Mir rüsten uf wi im chaute chrieg haute nie meh
U baud verstrichts aui aute riche
Si müesse haut de wiche hei ke bock me uf gwaut vo haube liche
Schattestärne - breitegrad atme schwär
Mir gö voll ab so wi dr kollaps vor atmosphäre
Mir si im ufschwung doch vom ursprung entfärnt
Geit d'ärde under oder wirdsi entlärt
Ob das guet chunt hä? mit ewigem wachstum
Plötzlech wachst nümme wi nach napalm in platoon
Achtung es louft chrumm doch cha nüt belegä
Wird sech's bewege oder ischs nur gerede
Wöu si ghöre nüt o we me einiges gseit het Si ghöre nüt u säge es git meinigsfreiheit
Es störe d'lüt ar demo, ma überhört di lüt
Wöu si wi gstörti düe und s'me nötli brücht
D'erwartige stige auso mues d'laag unfair blibe
Auso verträg unterschribe damit au brav unterlige
S'git en ufstand auso mach d'ouge uf heb se uf d'hang
Ghörsch guudigi schüss geduud isch üs usgange
En ufstand auso heb se uf dini fust man
En ufstand heb se uf dini fust
(2x)
I schaffe jede tag, grüesse t'lüt bide näme
U am week-end trinki schnaps u schla es tramhüsli zäme
Du kämpsch fürne fairi wirtschaft - das findi ja ir ornig
Aber machschder t'chleider nass ar demo u dini mère putzt när t'wonig
Angeri mache nie e ufstand wües eh nüt verändert
U machesi mau eine druf schpöiesi übernes brüggegländer
Derbi merkesi nid was für deppe si si
Häbe bim refrain t'fuscht i t'luft u lö z'schlegle la si


Aber sit si wüsse dasne t'konzärnbosse t'sackgäuder chlaue
Machesi uf de straasse lärm u z'jugentträff het gschlosse
Militanti töffli giele kreise ume dorfbrunne ume
Schwinge t'schteine scho ir schlinge u warte numeno uf t'bulle
Dä stei dert flügt ine schibe
Achtimauchurz d'lüt hei äue dä ganz prozäss satt u machene churz
Niemer me meint er sig e machtlosi schachfigur
Wüsse dass dr chönig oft gschützt wird vo schwache bure
Doch mir heis satt u draie d'interässenslaag
Nachhautigkeit geit vor em kontewachstum
Mir rieche debili diener wine wachhund
Und wena wirtschaft kioto nid vertreit wünschre dr abgrund
Sta uf für gliichgwicht in new balance
Nimes ericson zum cru wähle während i ne edding zükk
Umne muur z'täge sisch z'äng für jedäm si wunsch
Du weisch drüber redä isch guet doch itze längts
Refrain