Gulon Mein Rang Bharay Songtext
von Mehdi Hassan

ہوا جو تیرِ نظر نیم کش تو کیا حاصل
مزہ تو جب ہے کہ سینے کے آر پار چلے

گلوں میں رنگ بھرے بادِ نو بہار چلے
گلوں میں رنگ بھرے بادِ نو بہار چلے
چلے بھی آؤ کہ گلشن کا کاروبار چلے
گلوں میں رنگ بھرے بادِ نو بہار چلے

قفس اداس ہے، یارو، صبا سے کچھ تو کہو

کہیں تو بہرِ خدا آج ذکرِ یار چلے
چلے بھی آؤ کہ گلشن کا کاروبار چلے
گلوں میں رنگ بھرے بادِ نو بہار چلے

جو ہم پہ گزری سو گزری، مگر شبِ ہجراں


ہمارے اشک تِری عاقبت سنوار چلے
چلے بھی آؤ کہ گلشن کا کاروبار چلے
گلوں میں رنگ بھرے بادِ نو بہار چلے

کبھی تو صبح تِرے کنجِ لب سے ہو آغاز

کبھی تو شب سرِ کاکل سے مشکبار چلے
چلے بھی آؤ کہ گلشن کا کاروبار چلے
گلوں میں رنگ بھرے بادِ نو بہار چلے

مقام، فیضؔ، کوئی...
مقام، فیضؔ، کوئی راہ میں جچا ہی نہیں
مقام، فیضؔ، کوئی راہ میں جچا ہی نہیں

جو کوئے یار سے نکلے تو سوئے دار چلے
چلے بھی آؤ کہ گلشن کا کاروبار چلے
گلوں میں رنگ بھرے بادِ نو بہار چلے