Ek Husn Ki Devi Se Mujhe Pyar Songtext
von Mehdi Hassan

اک حسن کی دیوی سے مجھے
پیار ہوا تھا، ہائے، پیار ہوا تھا

دل اُس کی محبت میں گرفتار ہوا تھا

اک حسن کی دیوی سے مجھے
پیار ہوا تھا، ہائے، پیار ہوا تھا

وہ روپ کہ جس روپ سے کلیاں بھی لجائیں
وہ روپ، ہائے ہائے
وہ زلف کہ جس زلف سے شرمائیں گھٹائیں
مَے خانے نگاہوں کے، اداؤں کے ترانے
دے ڈالے مجھے اُس نے محبت کے خزانے
ہاں، ایسی ہی اک رات تھی...
ہاں، ایسی ہی اک رات تھی، ایسا ہی سماں تھا
یہ چاند بھی پورا تھا، زمانہ بھی جواں تھا

اک پیڑ کے سائے میں جب اقرار ہوا تھا

اک حسن کی دیوی سے مجھے
پیار ہوا تھا، ہائے، پیار ہوا تھا


کشمیر کی وادی کے وہ پر کیف نظارے
کشمیر، ہائے ہائے
لمحات محبت کے جہاں ہم نے گزارے
انگڑائیاں لے کر میری بانہوں کے سہارے
گلنار نظر آتی تھی وہ شرم کے مارے
یک طرفہ نہ تھے حسن و محبت کے اشارے
اُس نے بھی کئی بار میرے بال سنوارے

احساس کا، جذبات کا اظہار ہوا تھا

اک حسن کی دیوی سے مجھے
پیار ہوا تھا، ہائے، پیار ہوا تھا

کچھ روز کٹے یوں ہی، برا وقت جب آیا
کچھ روز، ہائے ہائے
کچھ روز کٹے یوں ہی، برا وقت جب آیا
اُس حسن کی دیوی نے بھی نظروں کو گرایا
غربت نے زمانے کی نگاہوں سے گرایا
آنچل میرے ہاتھوں سے محبت نے چھڑایا

اک رات کو اُس نے مجھے سوتا ہوا چھوڑا
چل دی وہ کہیں، پیار کو روتا ہوا چھوڑا
سویا ہوا میں نیند سے جاگا جو سویرے
وہ جب نہ ملی، چھا گئے آنکھوں میں اندھیرے
تقدیر کسی کو بھی برے دن نہ دکھائے
ہوتے ہیں برے وقت میں اپنے بھی پرائے

کیا پیار بھی دولت کا طلب گار ہوا تھا؟

اک حسن کی دیوی سے مجھے
پیار ہوا تھا، ہائے، پیار ہوا تھا

دل اُس کی محبت میں گرفتار ہوا تھا


اک حسن کی دیوی سے مجھے
پیار ہوا تھا، ہائے، پیار ہوا تھا