Liber Songtext
von Lo & Leduc

Iri Hut us Läder
Iri Ouge schwarzi Münze
Chnöilet ufem Asphalt vor ere alte Büchse
Zmitz in ere Stadt, wo se het verschlückt
Zwüsche Hüser mit länge Schätte u
Mönsche mit schnälle Schritte
Sitzt si der ganz Tag und wippt

Wippt geng füre und zrügg
U bi jedem Mal berüert si
Der Büchserand mit irer Stirn
Und ds Klimpere vo de Münze
Im Innere vo der Büchse
Tönt wi Chilcheglogge wo lüte

Gloube
Öpper mues immer dra gloube
Dra gloube
Öpper mues immer dra gloube
Wosch gar nid wüsse wie


Füflyber uf myni Zunge
Lege mir e Füflyber uf myni Zunge

Füflyber uf myni Zunge
Lege mir e Füflyber uf myni Zunge

Syni Hut us Chryde
Büroturm wi ne Chile
List i de Schrifte
Wo usser ihm niemer cha entziffere

Übere Markt, über di unsichtbar′ Hand
Won ihm seit
"Du verdiensch dir das im Schlaf"
Wiso würd är wölle wach sy
We d Wält um ihn wie Wachs isch
Är so gross cha sy
Uf dass alles immer wachsi?

Nume chan er nid verstah
Dass zersch der Bode lat la ga
Bevor dass er der Chopf aaschlat


Gloube
Öpper mues immer dra gloube
Dra gloube
Öpper mues immer dra gloube
Wosch gar nid wüsse wie

Füflyber uf myni Zunge
Lege mir e Füflyber uf myni Zunge

Füflyber uf myni Zunge
Lege mir e Füflyber uf myni Zunge

Si lats la schaffe
Ihres Bättle isch es Bätte u er
Är lats la schaffe
Und sy Bildschirm isch e Bibel

Lug, mir lös la schaffe
Hüt isch d Schöpfig nüt me wärt
U mir schöpfe nume no Wärt
U drum leg i mir am Sunnti e

Füflyber uf myni Zunge
Lege mir e Füflyber uf myni Zunge

U drum leg i mir am Sunnti e
Füflyber uf myni Zunge
Lege mir e Füflyber uf myni Zunge

U drum leg i mir am Sunnti e

Öpper mues immer dra gloube
U drum leg i mir am Sunnti e
Öpper mues immer dra gloube
Wosch gar nid wüsse wie