Damevelo Songtext
von Lo & Leduc

I chume geng ah
We die angere gö

I chume geng ah
We die angere gö

Myni Hut nid Gore-Tex
Nass bis uf d Chnoche
Di Pneu si düre
U i bis o

Angscht vor em Randstei
Angscht vor em Tramgleis
Völlig uf de Felge
U du bischs o

Si säge Schärbe bringe Glück
Aber
Üs bringe si nur Pladi
Aber glych

Fahri mit mym Damevelo
Fahri mit mym Damevelo ume
Aber glich


Fahri mit mym Damevelo
Fahri mit mym Damevelo ume

Mys Härz nid Teflon
Im Läbe ke Chefchoch
I ha so viu bbrämset
Es schmöckt verbrönnt

Du bisch nid ir Haftpflicht
Ender ii wäg dir verhaftet
Wüu du hesch sicher öpperem ghört

Si säge: "Alti Liebi roschtet nid"
Lug üs doch mau aa
Aber glych

Fahri mit mym Damevelo
Fahri mit mym Damevelo ume
Aber glich

Fahri mit mym Damevelo
Fahri mit mym Damevelo ume

Si säge, i söll mal i d Gäng cho
I söll ändlech mal i d Gäng cho
Aber
I chum geng aa, we di angere gö


Si säge, i söll mau i d Gäng cho
I söll ändlech mal i d Gäng cho
Aber
I chum geng aa, we di angere gö

Es git nüüt z pedaale, u nüt z beduure
D Strass isch nass u der Winter cho
Es git nümm z stosse u nüt me z strytte
I las la zieh u du mi o

Si säge, I müess ke Angscht ha
Es chönn nid immer nume bärgab ga
I brüüch nur no chli Geduld
O wes itze nid rund louft

U trotz em Wind i mym Gsicht
Göngs de gly wider bärguuf
Aber ufefahre isch chli müehsam
Lieber es Läbe lang Fahrtwind u
Freihändele, häbe di ar Hand
Chumm, mir fahres zäme gäge d Wand
Gäge d Wand zäme

Fahri mit mym Damevelo
Fahri mit mym Damevelo ume
I chum geng aa, we di angere gö

Fahri mit mym Damevelo
Fahri mit mym Damevelo ume
I chum geng aa, we di angere gö

I chum geng aa, we di angere gö
I chum geng aa, we di angere gö