Locherguet Songtext
von Hecht

Wärsch du gern berüehmt ond wenn ja för was?
Üebsch mängisch vorem Telefoniere was nochher wotsch säge?
Was esch för dech de perfekti Tag ond
Wenn hesch sletschte Mol nor för dech gsunge?
Hesch ergendwie en Vermuetig wie wersch stärbe
Ond besch nöch mit dinere Muetter?

Vo was träumsch scho lang ond wieso heschs immer nonig gmacht?
Säg, was send die Sache wod denksch send bi der ond mer glich?
Verzell mer dini Läbensgschecht i vier Minute
MIt so viel Details wie chasch
Ond wennd chönnsch wönsche was morn besser chönntsch,
Denn säg, was för en Wonsch wär das?

Ond glaubsch zwoi frömdi Lüt chönnd sich eifach so verliebe?
Oder glaubsch dene frömde Lüt fehlt eifach de Muet?
Ond glaubsch zwoi frömdi Lüt chönnd sich eifach so verliebe
Am Morge am halbi drü bim Locherguet?


Wenn dis Huus brönnt, was nemmsch mit
Ond wenn hesch s letscht Mol vor öperem brüelet?
Was esch dini schönsti Erinnerig ond was die schlimmscht?
Wer darf uf kei Fall vor der stärbe
Ond was esch der immer no sehr piinlech?
Ond säg was du a mer schön findsch, aber bitte bis ehrlech

Ond glaubsch zwoi frömdi Lüt chönnd sich eifach so verliebe?
Oder glaubsch dene frömde Lüt fehlt eifach de Muet?
Ond glaubsch zwoi frömdi Lüt chönnd sich eifach so verliebe?
Am Morge am halbi drü bim Locherguet?
Oder könne mer üs zguet?

Oder könne mer üs zguet?

Wärsch du gern berüehmt ond wenn ja för was?
Ond funktionieret die 36 Froge au am halbi drü i de Nacht?

Ond glaubsch zwoi frömdi Lüt chönnd sich eifach so verliebe?
Oder glaubsch dene frömde Lüt fehlt eifach de Muet?
Ond glaubsch zwoi frömdi Lüt chönnd sich eifach so verliebe?
Am Morge am halbi drü bim Locherguet?
Oder könne mer üs zguet?
Oder könne mer üs zguet?
Am halbi drü am Locherguet
Oder könne mer üs zguet

Wärsch du gern berüehmt ond wenn ja för was?