Schnäuer, schnäuer Songtext
von Dänu Extrem

Schnäller, schnäller

I stecke der Schlüssel, laa d Zündig a
S isch chaut, es zieht, u d Schybe louft a
I zieh der Tschokk u gibe Gas
La d Lüftig aa u fahre los
Ds Strässli ab, dür ds nächschte Kaff
Bir grüene Tafle biegn i ab

Uf d′outobahn

I la ds Radio a u wider ab
I schaute düre, i drücken ab
I bi alei, es isch niemmer da
Im Spiegu la n i alles la stah
Ds Land zieht verby, i haute nie meh a
Nume wen i schnäu mues e Tank voll ynela
Es Brot, chly Wasser, u scho los
Bloche n i wyter, rigoros
Lah Stadt um Stadt im Räge stah
Fahre wyter, der wysse Linie na


Uf der Outobahn
Besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter - furt

E Boustell, es Tunäu, e höchi Brügg
Geng grad uus, u niemeh zrügg
E See, e Fluss, e Bärg, es Tal
E gradi Linie, es isch brutal
Mit mir allei uf dere Strass
Es wird Nacht, u der Teer isch nass

Uf der Outobahn
Besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter, - furt

Es paar Tänk später, es taget scho
Gsehn i d Sunne über ds Meer ychoo
Chole han i nümm grad vil
Wenn chumen ig ändlech a mys Zil?
Dert, won i här chume, chas nid sy
Aber vilech bin i scho drann verby


Uf der Outobahn
Besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter, - furt
Uf der Outobahn
Besässe vo däm Tempo-Wahn

Schnäller, schnäller, geng wyter wägg
Schnäller, schnäller geng wyter, - furt
Schnäller, schnäller, geng wyter wägg
Schnäller, schnäller geng wyter, - furt
Schnäller, schnäller, geng wyter wägg
Schnäller, schnäller geng wyter, - furt
Schnäller, schnäller, geng wyter wägg
Schnäller, schnäller geng wyter, - furt