Gott-Fried-Stutz Songtext
von Dänu Extrem

Gott-Fried-Stutz
text/music by: Dänu Extrem

am sunntig morge machen i e spaziergang
ds marzili z'düruuf, der aaren entlang
uf freii natur han i grad luscht gha
e cervelat zum brätle, han i o by mer gha
am waldrand, ja, was gsehn i da?
e grossi tafele, i dörf hie nid wyterga
us gründe vom naturschtz, dörf i hie leider
gottfriedstutz!
vo wäge gschützte vogelarte
mys würschtli, leider, nid ga brate.
i mache ne nüt, mache ne doch nüt
aber 's het ke sinn, no mau z'probiere

aues wird gschoonet, aus wird gschützt
und i frage mi, was das no nützt,
u glych wird's gschonet u glych wird's gschützt
u wär weiss, ob das no nützt!


am mäntig morge lüten ig em hunderteufi a
u frage, chan i bitte en uskunft ha
ds frölein seit: 'momänt, ich luege grad nache'
paar stutz später fragt si mi: 'sind si no da?'
i gloube's nid, aber was ghören i da?
"s tuet mer schampar leid, aber 's isch äbe so
us gründe vom dateschutz, darf i euch leider'
gottfriedstutz!
'die telifonnummere nid verrate
si müend halt sälber no chli wyter rate!'
si seit mer nüt, si seit gar nüt
's het gar ke sinn, no wyter z' frage.

aues wird gschonet, aus wird gschützt
und i weiss doch dass das nüt nützt
u glych wird's gschonet u glych wird's gschützt
o wenn aues nüt meh nützt!

im zyschtigs-club fat eine sy politred a
verzeut u-längi gschichte und viu bla bla
me söll doch d'stimm für ihn de ga ynela
sys parteiprogramm sygi de scho ds o und a
är heig e suberi lösig für jedes problem
u heig de gar nüt z' tüe mit der korruption
aber us gründe vom verfassigsschutz, chönni är hie leider
gottfriedstutz!
syni parole nid cho verrate
's chönnt ja süsch no bös usarte
so seit är nüt, är seit gar nüt
's het gar ke sinn no wyter z'lose


är wird gschonet, är wird gschützt
wüu das es paarne grad guet nützt
u so wird gschonet u so wird gschützt
o wenn aues nüt meh nützt!
är wird gschonet, är wird gschützt
wüu das es paarne grad guet nützt
u so wird gschobe und usgnützt
wüu's es paarne so meh nützt!

heimatschutz, naturschutz, rägeschutz, rächtsschutz
empfängnisschutz, luftschutz, tierschutz, chlöschterlistutz
aues wird gschonet, aus wird gschützt, un i frage mi, was das no nützt
roschtschutz, lärmschutz, chopfschutz, u de git's serig, die hei e chopfschuss
windschutz, zivilschutz, froschtschutz, gottfriedstutz

aues wird gschonet u wird gschützt
und i weiss, dass aues nüt meh nützt!
aues wird gschonet, aus wird gschützt
und i weiss doch, dass das nüt nützt
u glych wird's gschonet u glych wird's gschützt
o wenn aues nüt meh nützt!
aues wird gschonet, aus wird gschützt
und du weisch doch, dass das nüt nützt
u glych wird's gschonet u glych wird's gschützt
o wenn aues nüt meh nützt!