Deppe-App Songtext
von Dänu Extrem

I bi e Löl, e blöde Siech, e Glünggi un e Sürmu
I bi ne Tubel, i bi ne toubi Nuss
Läck mir, was bini für ne Depp
Zum Glück hani mis Deppe App

Troche, warm u Himmelblau
Ha churzi Hose es T-Shirt aa
Der Rägeschirm hani daheime g′lah
U pfludinass stah n i im Räge da

I bi verlore irgendwo u
I finde eifach nümme hei
I tippe uf mim Navi Start u Zielort y
U merke dass vor der Hustür bi

Gsehni us wie n e Depp i weiss alles, i chume druus
I bi doch ke dummi Nuss zum Glück isch ds Deppe App itz duss!

I bi e Löl, e blöde Siech, e Glünggi un e Sürmu
I bi ne Tubel, i bi ne toubi Nuss
Läck mir, was bini für ne Depp
Zum Glück hani mis Deppe App


Mit tuusig Fründe bini vernetzt u es wärde jede Tag no meh
I tippe was i mache, woni itze de grad bi
De gschpüri nid wie einsam dasi bi

Gsehni us wie n e Depp i weiss aues, i chume druus
I bi doch ke dummi Nuss zum Glück isch ds Deppe App itz duss!

Für alles u für nüt, git's hüt es App, das isch doch guet
Bir Bank, bir Poscht bim Chrämerlade, chni eis ga abelade
Alles woni mache wird nöime regischtriert
Mi Puls, mi Schritt wird gmässe u ds App seit mir was i söll ässe
Jede wo grad wott, cha mi verfolge we n er wott
U cha wüsse wasi hasse, u weiss was i nid darf verpasse
Total ohni Zwang leg i mis Läbe ufe Tisch
I zahle no derfür u gloube, dass das d Freiheit isch

Bini würklech so n e Depp?
Weiss nid mau wieme′s löscht das Tubel-App
Bini würklech so n e Nuss, zahlt hani ouno für dä Stuss
Bini würklech so n e Depp? Was weiss das App scho was i wett
Bini würklech so n e Nuss, itz wüschis wägg
U de isch hoffetlech Schluss!

Früecher hani no Musig gmacht, ha Teggschte greimt u komponiert
Hüt cha das mis Deppe-App vil besser als ig
Drum chani 's grad so guet la si