So Ernscht Songtext
von Dabu Fantastic

Zviel lüüt mit gsichter us stei
Im verkehr i dä s-bahn hei
Im lift, i dä kantinä
Alli lüüt gladä wiä landminä

Gsicht i dä ziitig gsicht i dä aktä
Gsicht i dä mags in tv am glaarä
Keinä seit meh äs wort
Einsam wiä gott hei und dänn furt


Paar hobbies und gartä
Eimal im jahr zu dä doofä verwandtä
Suppä us plastik, kaffi us karton
Uf jedi frag hät än ladä än antwort

Und so xehni di gsichter
Dunkel wiä heftigschtgi gwitter
Nur im eggä schmunzlet än herr
Einä im tram, d′runzlä sind wäg

Und darum tüänd doch nöd so - o - o
Als wäri alles so ernscht
Und darum zellt's au nöd so - o - o
Was eu alles no fählt