Irgendwo Songtext
von Dabu Fantastic

Er isch eifach da xi, i däm club i dä stadt
Sie hät gspürt & hät gwüsst dass das wunderbar passt
Er hät gmacht dass sie lacht
Gmacht dassi schwitzt & glachet bim tanz

& sie hät gstrahlet vor glück
Nur no er nur no er. & kein anderä typ
& sie händ _ sich gliebt idä nacht
Liebi gmacht au no wiiter am tag

Är hät sich müäh gäh alls für sie gmacht
Kein geburtstag vergässe, i all däne jahr
Aber: won er sie frägt ob sie au chind well
1 oder 2 wär bestimmt schön

Da lacht sie & fahrt ihm durs haar
Gaht is bad & packt ihri war
Seit keis wort, bis er träneverschmiert
I däre nacht i ihrem sms list


Irgändwo bi dä andrä
Irgändwo bi dä andrä wetti
Irgändwo bi dä andrä - wetti si

Är hät alles id luft grüärt, alles vernichtät
Alls verbrennt, alls wonär gliebt hät
Möglichscht schnäll möglichscht wiit wäg
Alls id luft, benzinkanischter

Nur mit auto & pass
Ab as meer abä ufrä staubigä strass
S′auto verchauft & äs schiff gno
Irgendwo hi, irgendwo wiit wäg, ziilloos

& nach wuchä & täg
Chunnt er zrugg i sin ort, mit dä sunne im härz
Hät sie gfundä bim job, sie hät gluegt winoniä
Hät gseit dass er fehlt & wie fescht sie ihn liebt

& er fahrt sich durs haar
Lachäd sie aa & gaht us dä bar
Seit keis wort, er winkt nur zum gah
Sie schluchzt wo sie xeht, was ufäm bierdeckel staht